Kulla di saha maa ka niriba tusa gari shɛm daa laɣimna hal ti nɔri tab’ naba bɛ galisim zuɣu, ka Yisa daa daŋ piligi saɣisir’ o nyaandoliba yɛra, “Miriya Farisiinim’ dabindi din nyɛ bɛ bilikɔnsi la;
N ni daŋ wuhi ya yin’ ni zo so: Zomiyala Naawuni ŋun ni tooi ku daadam ka mali yiko din ni tooi zaŋ o shia niŋ buɣim ni ŋɔ. Yɛlimaŋli ka n yɛri ya, zomiy’ o!”
Ka ŋunkam tɔɣisiri yɛtɔɣ’ biɛri dalindi Daadam Bia ni tooi nya di chɛ m-paŋ; amaa ŋunkam mo Naawuni Shia Kasi, dilana ŋun’ kul ku nya di chɛ m-paŋ Naawuni sani.
Bɛ yi ti tahi ya Yɛhudianim’ jɛmbu duri ni mini nanim’ ni zuɣulaannim’ sani, yin’ di ti bɔhiri yi suhuri yi ni yɛn garigi shɛm bee yi ni yɛn yɛli shɛm zuɣu,
Yisa daa yɛl’ o nyaandoliba, “Dinzuɣu n yɛri ya mi, miriya ka yi jiɣindi yi nyɛviya bee yi niŋgbuna zuɣu zaŋ chaŋ yi ni yɛn di shɛli bee yi ni yɛn ye shɛli polo;
Yulimiya paɣiviɛligakushihikom ni zoori shɛm: Di bi tumda; di mi bi miri gumdi. Amaa n yɛri ya mi ni hal Sulemaana min’ o jilima zaa ha, o daa bi ye situra ka di viɛli kaman paɣiviɛligakushihikom zaɣ’ yini gba viɛlim.
Ka Naawuni yi zaŋ viɛlim ŋɔ tatabo ti mɔri din be mɔɣu ni zuŋɔ n-kaai biɛɣu ka buɣim diri li ŋɔ, di chaŋ wula ka o ku ti yinim’ situra? Laabira, yi yɛda shiri pɔra!
Kɔhimiya yi ni mali shɛli n-zaŋ ti nandaamba pini; bomiya liɣiri kolibihi shɛŋa din bi kurigira n-sɔŋ azichi shɛli din ti ku naai Naawuni yili, tayiɣ’ ni ti ku be shɛli bee lɛla ni ti ku saɣim li luɣ’ shɛli,
Dunɔguliba bɛn ʒiya m-bi gbihiri hal ka bɛ duuma ti paana mal’ alibarika. Yɛlimaŋli ka n yɛri ya, o gba ni ti mali shili chɛ ka bɛ ʒini, ka o kpuɣi bindirigu na ti zali ba ka bɛ di.
Amaa lee baŋmiya dimbɔŋɔ: Yil’ yidan’ yi di mi saha shɛli tayiɣ’ ni yɛn kana, o naan ne n-ʒiya gu o ka ku chɛ o yili maa bahi ka tayiɣ’ maa kab’ li kpe.
Ka ti Duuma garigi yɛli, “Yiŋbi’ ŋuni n-lee pal’ alikauli ka nyɛ yɛndana? Di nyɛla yiŋbi’ so ŋun yiŋlan’ zaŋ o yili fukumsi niŋ o nuu ni ni o bahiri mɔni mɔni bahibu saha.
di yiŋbia maa yiŋlan’ maa ni ti kuna o ni bi yuun’ o soli dahin’ shɛli bee saha shɛli nti darig’ o tibili darigiri biɛɣu, ka zaŋ o laɣim bɛn bi ʒe yim ni.
Ka yiŋbia ŋun mi bi mi o duuma yubu ni nyɛ shɛli ka tum din simdi buri, o buri ni bala. Bɛ ni ti ninvuɣ’ so pam, o sani ka bɛ ni ti lan bɔhi pam yɛla; ka niriba ni zaŋ fukumsi pam niŋ so mi nuu ni, o sani ka bɛ ni ti bɔhi din galisi pam yɛla.”
Pumpɔŋɔ zaŋ chana, yil’ yini puuni niriba anu noya ni ti woli. Niriba ata ni ti naai noli zaɣisi niriba ayi, ka niriba ayi mi ni ti zaɣisi niriba ata maa.
Doo min’ o bia noya ni ti woli taba ka bɛ zaɣisi taba; ka paɣ’ min’ o bipuɣiŋga ti zaɣisi taba; ka paɣ’ ni ti zaɣis’ o bia paɣa, ka paɣ’ gba ti zaɣis’ o yidana ma.
So yi tahir’ a sariakarita sani ka a min’ o be soli chani yɛtɔɣa maa ni, nyin’ chɛ ka yi naai noli m-mali yi yɛtɔɣa maa; di yi pa lala o ni zaŋ a chaŋ sariakarita maa sani, ka sariakarita maa ti zaŋ a ti dansarika gula, ka o mi kpɛh’ a duu.