“Abi kon ang isa sa inyo may 100 ka karnero kag madula ang isa sa ila, ano bala ang iya himuon? Bayaan niya ang nobentay nwebe sa halalban kag magalakat sia sa pagpangita sang isa ka karnero nga nadula tubtob makita niya ini.
kag sa pagdala sini pauli. Dayon tipunon niya ang iya mga abyan kag mga kaingod kag magasiling sa ila, ‘Magkalipay kamo upod sa akon kay nakita nakon ang nadula ko nga karnero!’
Nagasiling ako sa inyo, nga sa amo man nga bagay, may labi pa nga kalipay sa langit tungod sa isa ka makasasala nga nagahinulsol, sang sa nobentay nwebe nga matarong nga mga tawo nga wala nagakinahanglan sing paghinulsol.
“Ukon abi ang isa ka babayi nga may napulo ka salapion nga pilak madulaan sang isa. Ano ang himuon niya? Magasindi sia sang suga, magasilhig sia sang iya balay, kag magapangita gid sia sing maid-id bisan diin tubtob nga makita niya ini.
Kon makita na niya ini, tipunon niya ang iya mga abyan kag mga kaingod kag magasiling sa ila, ‘Magkalipay kamo upod sa akon, kay nakita ko ang nadula ko nga salapi!’
Ang manghod nagsiling sa iya amay, ‘Tay, ihatag sa akon ang parti sang palanublion nga para sa akon.’ Gani ginpartida sang amay sa duha niya ka mga anak ang iya pagkabutang.
Sa tapos ang pila ka adlaw ginbaligya sang manghod ang iya bahin sang pagkabutang kag naglakat nga dala niya ang kwarta. Nagkadto sia sa malayo nga lugar, sa diin gin-uyangan niya ang iya kwarta sa patuyang nga pangabuhi.
Sang ulihi nakamarasmas sia kag nagsiling, ‘Ang tanan nga mga mamumogon sang akon amay may pagkaon nga nagasulobra lang, kag ako iya daw mapatay na sa kagutom.
Gani nagtindog sia kag nagpauli sa iya amay. “Malayo pa sia sa ila balay sang makita sia sang iya amay. Ang tagipusoon sang iya amay napun-an gid sing kaluoy, gani nagdalagan sia kag ginhakos ang iya anak kag ginhalukan.
Pero ang amay nagtawag sang iya mga suloguon, ‘Dali kamo, dalha ninyo diri ang labing matahom gid nga bayu kag ipasuksok sa iya. Suksoki sang singsing ang iya tudlo kag sang sandalyas ang iya mga tiil.
Ang suloguon nagsabat, ‘Ang imo utod nagpauli kag si tatay mo nagpaihaw sang pinatambok nga tinday sang baka, tungod kay nakapauli sia nga wala man maano.’
Pero ginsingganan niya ang iya amay, ‘Tan-awa bala, sa sulod sining mga tinuig nagpangabudlay ako sa imo nga daw suloguon mo kag bisan kaisa lang wala gid ako maglapas sang imo mga sugo. Ano ang ginhatag mo sa akon? Wala mo gani ako mahatagi bisan tinday lang sang kanding agod magkasadya ako upod sa akon mga abyan?
Pero ining anak mo nag-uyang sang imo pagkabutang upod sa mahigko nga mga babayi, kag sang pagpauli niya gin-ihaw mo ang pinatambok nga tinday sang baka para sa iya!’