mbaenda nayo ku nyumba. Angafika, asacemera axamwali ace na andzace a pa cisa, mbalonga tenepa: ‘Tsandzayani pabodzi na ine, thangwi bira yanga ikhadataika, ndaigumana.’
Ine ndisakupangani kuti, ndi sawa-sawambo na kudzulu, Kunagumanika kutsandzaya kukulu kakamwe na thangwi ya nyakudawa m'bodzi adachunyuka kudawa kwace, kupiringana kutsandzaya kukhali na iwo na anthu makumapfemba na apfemba akulungama akusowa mathangwi akuchunyuka.
“Peno mbani nkazi anakhala na kobiri khumi za ndzaya-ndzaya, angataikirwa na ibodzi, mbakhonda gasa nyale, na kupsaira n'nyumba mwace, mbaisaka mpaka kuigumana?
Angaigumana, anacemeresa axamwali ace, na andzace a pa cisa mbaapanga tenepa: ‘Tsandzayani pabodzi na ine, thangwi ndaigumana kobiri yanga ikhadataika.’
Mwana wa ng'ono alonga tenepa kuna baba wace: ‘Baba, ndipaseni cincino, phindi yanga ya unthaka.’ Na tenepo, iye aagawaniza anace awiri ene mpfuma yace.
Buluka penepo alamuka mbabwerera pontho kuna baba wace. “Mbali kutali, baba wace amuona. Na kubva ntsisi zikulu na mwana wace, anthamangira mban'khumbatira na kumpsompsona.
Mbwenye iye atawira tenepa: ‘Ndina pyaka pizinji mbandikuphatirani basa ninga bichu mbandikhonda kupwaza mwambo ubodzi wanu. Na tenepo, mudzati kundipasambo mbuzi ene ibodzi, toera ine ndicitembo phwandu na axamwali anga.