Dan too eenem aundrem säd hee: Oba dü, woofäl best dü Schuldijch? Hee oba säd: Hundat Satj Weit. Hee säd too am: Nehm dienen Schultschien en schriew tachentijch.
En de Harr lowd dän onnjerajchten Vewaulta, wiel hee klüak jehaundelt haud; dän de Säns disa Welt send tjlätja aus de Säns vom Lijcht jäajen äwa äarem Jeschlajcht.
Tjeen Deena kaun twee Harren deene; dan entwäda woat hee däm eenen hausse en däm aundren leewe, oda hee woat sich aun eenem aunhenje en däm aundren veachte. Jie tjenne nijch Gott deene uck däm Mamoon.
En hee säd too ahn: Jie send dee sich selfst aus jerajchte ver de Mensche hanstale ütjäwe, oba Gott tjannt jüne Hoats; dan waut bie Mensche hüach es, es een Aufschü Äatjel bie Gott.
Daut Jesatz en de Profeete weare bott opp Jehaun; von doa aun woat daut Ritj Gottes aus Froohe Botschoft vetjindijt, en jiedra drenjt sich doa enenn too kohme.
Jiedra, de siene Frü entlat wajch schetjt en eene aundre friet bejeit Eehebruch; en de eene von äarem Maun Entlohtne friet, bejeit Eehebruch bratjt de Eehe.
En hee roopt en säd: Voda Obraum, erboarm die äwa mie en schetj Latsarus, daut hee sien Finjaspets emm Wota ennduckt en miene Tung tjeelt, wiel etj Kwohl lied enn dise Flaum.
Oba Obraum säd: Tjint, jedentj, daut dü aul dien Goodet jetjräaje hast enn dienem Läwe en Latsarus jrod soo daut Beese; oba nu woat hee hia jetreest, oba dü litst Kwohl.
En bie aul däm es tweschen ons en die eene groote Kluft faust aunjebrocht, doamet dee, de von hia no jünt äwagohne welle, nijch tjeene, uck nijch dee, de von dort no ons äwakohme welle.