Abu Yesu kolimok lukesisiak keng' ebe, “Apak ape ajii lokabara epe lokejatatar ka lokejaanakinan lokegwoikiit iboro keng'. Kolimokinete lokabara ebe emunaut lo egwoikiit ikabel ka ejakait keng',
Ng'in kere ni emunokina koboro kalu edisiaka emunokin kamaka lu epoloko; ng'in kere ni emam kemumokina koboro kalu edisiaka mam kemunokin koboro kalu epoloko.
Kolimokini Yesu kesi, “Osi nesi itoduna ebe ijooka osi kakonyen ka itung'a kaluce, konye Akuju ejeni itawon kus. Naarai iboro lu itete itung'a ebe ejoka, emam adumunete ka akonyen ka Akuju.”
Ikisila ka Musa kiton akigirigirisia nuka ikadwarak ajaasi ka apedor akitodol apak naka Yoana Lokebatisan. Ageun kaneni elimonoro akiro nukajokak kuju ka Ajakaanut ka Akuju, ng'in itwan euta akilom.
Konye kobong'okini Aburaam nesi: ‘Okoku, kang' kiitu ebe, ka akijar kon ibu ijo kodumu nu kon nukajokak, kodumuni Lasaro de nukarokok. Konye kipokona isinapikiite nesi, kisicanio ijo.
Kong'in de, ejii adwi nakapolon kiding' wok, tetere ng'ulu lu ekotosi alomar kane abunore nama kus mam kebeikinete, kere lu ekotosi alomun kama kus abunore nama kosi mam kebeikinete.’
Kosodi lokebarit m abong'okin, ‘Mam ng'un kilesikina, papa Aburaam! Konye kere kejaruut itwan kamaka lukatwak kalosite nama kes, tin kesi isilarete arokusio kes.’