Ina-ka, xana Xikwembu axingayendli vuyavanyisi lebzinene ka vahlawuliwa va xona, ni kuvalehisela mbilu, vona lavahuwelelaka ka xona vusiku ni nhlekanhi, hambi xihlwela ke?
Mufarisi ayima, akhongelisa lesvi mbilwini ya yena: ‘Xikwembu, nakukhensa lesvi ningafaniki ni vanhu van'wana, lavanga ni makwanga, lavangatshembekangiki, lavawosvaka, ni lesvi ningafaniki ni murhesisi lweyi.
Muhakelisi wa rhesa yena aanyime hi le kule, achava ni kutlakusa mahlo alanguta tilweni, kambe aakomba kuvaviseka, aku: ‘Xikwembu, nitwele vusiwana, mina ninga mujohi.’
“Nili ka n'wina: Murhesisi lweyi atlhelele kaya ka yena na ahlayiwile lweyi alulameke kutlula Mufarisi; hikuva mani na mani lweyi atikulisaka, atatsongahatiwa, ni lweyi atitsongahataka atakulisiwa.”
Kambe Yesu avitana vatsongwana, kutani aku ka vajondzisiwa: “Tshikani vatsongwana vata ka mina, mingatshukeni miva sivela, hikuva Mfumu wa Xikwembu i wa lavafanaka na vona.
Wena utiva Milawu leyi yinge: ‘Ungatshuki uwosva; ungatshuki udlaya; ungatshuki uyiva; ungatshuki uveka vumboni bzohemba; uva ni xichavu ka tatana wa wena ni ka mamana wa wena.’”
Loko Yesu atwa svosvo, aku ka yena: “Wahapfumala xilo xin'we: Xavisa hinkwasvu lesvi unga na svona, uyavela svisiwana, hi kona ungatava ni rifuwo matilweni; kutani uta, unilandza.”
Yena aku ka vona: “Nitiyisile nili ka n'wina: Mani na mani lweyi atshikeke munti wa yena, kumbe nsati, kumbe vamakwavu, kumbe vapsali, kumbe vana, hikolaho ka Mfumu wa Xikwembu,
Yesu avitana lava va khume ni vambirhi hi tlhelo, kutani avabzela lesvi: “Vonani, hitlhantukela Yerusalema kutani hinkwasvu lesvitsaliweke hi vaprofeta henhla ka N'wana-wa-Munhu svitahetiseka.