Oba see funge aun, am auntokloage, en säde: Wie ha disem jefunge, dee ons Voltj vefeat en hindat, däm Tjeisa Tacks too jäwe, enn däm hee sajcht, daut hee de Jesaulwta, een Tjeenijch es.
En aus hee erfoahre haud, daut hee üt de Jäajend Jerejchts Jewault von Heroodes es wea, schetjt hee am no Heroodes, dee selfst uck enn diese Doag enn Jerusalem wea.
Oba aus Heroodes Jesus jesenne haud, freid hee sich sea; dan hee wull aul ne länjere Tiet am seene, wiel hee väl von am jeheat haud en hopt, von am irjend een Teatjen, daut hee doone wudd, too seene.
Oba uck Heroodes met siene Soldote behaundelde am jerinj, veachte en vespotte am, en hee nehm am een prachtvollet Tjleet omm en schetjt am tridj no Pielatus.
en säd too ahn: Jie ha disen Mensch no mie jebrocht, aus eenem dee daut Voltj veleid vefeat, en tjitjt, etj ha am ver jünt unjasocht, en fung enn disem Mensch tjeene Schuld, wua wäajen jie am Aunkloage;
En aus see am wajch leide, jreepe see eenen jewessen Siemoon von Tjiereene, dee vom Feld tjeem, en läde am daut Tjriez opp, omm daut Jesus noh too droage.
dan tjitjt, doa kohme Doag, aun de maun saje woat: Seelijch de Fruchtloose en de Mutta - Liew dee nijch jebuare ha, en Broste de nijch Brost jejäwt ha!
En daut Voltj stund en tjitjt too, oba uck de Bowaschte spotte en säde: Aundre haft hee jerat; hee rad sich selfst, wann hee de Jesaulwta Tjristus Gottes es, de Uterwälda.
En Jesus roopt met ne lüde Stemm en säd: Voda, enn diene Henj befäl etj mienen Jeist. Oba aus hee daut jesajcht haud, frodmd hee dän Jeist üt storf hee.