Dɛn tɛl Paylet se, “Wi mit dis man de put wɔd na di pipul dɛn yes fɔ mek dɛn strayk ɛn i se wi nɔ fɔ pe taks to di kiŋ na Rom. I tɔk se in na di Mɛsaya ɛn dat min se in na kiŋ.”
Di pipul dɛn we kɛr Jizɔs go to Paylet se, “Jizɔs mek di pipul dɛn strayk bay di tin dɛn we i de lan pipul na Judia. I bigin na Galili ɛn naw i dɔn rich Jerusɛlɛm.” Dɛn pin.
Ɛrɔd ɛn in soja man dɛn bigin du Jizɔs tin we go mek i fil smɔl ɛn dɛn bigin tek am tɔn an. Dɔn Ɛrɔd mek dɛn wɛr fayn klos pan Jizɔs, ɛn mek dɛn kɛr am go bak to Paylet.
I tɛl dɛn se, “Una dɔn briŋ dis man ya kam to mi ɛn una tɛl mi se i de mek pipul dɛn strayk, bɔt wɛn a kwɛshɔn am bifo una, a si se i nɔ du nɔn pan di tin dɛn we una se i du.
Paylet tɔk to dɛn wan tɛm mɔ mek tri ɛn aks dɛn se, “Wetin du, us bad tin dis man du? A nɔ si se dis man du bad tin we fɔ mek dɛn nel am pan di krɔs; a go jɛs mek dɛn bit am nɔmɔ ɛn lɛf am.”
I fri Bara bas, di man we dɛn bin jel fɔ di strayk ɛn fɔ di pɔsin we i kil, we di Ju pipul dɛn se i fɔ fri, dɔn i tɛl in soja man dɛn fɔ kil Jizɔs lɛkɛ aw di Ju pipul dɛn bin want am fɔ du.
Wɛn dɛn bin de kɛr Jizɔs go, dɛn ol wan man na rod we nem Saymɔn we bin bɔn na Sayrini; i bin kɔmɔt wan vilej de go Jerusɛlɛm. Di soja man dɛn fos am fɔ mek i tot Jizɔs in krɔs fala am.
Wɛn dɛn rich na di ples we dɛn kɔl “Di ples we tan lɛkɛ mɔtalman ed,” na de dɛn nel dɛn tri, ɔlman pan in yon krɔs. Dɛn put wan wikɛd man na Jizɔs in raytan, dɛn put di ɔda man na Jizɔs in lɛfan.
Pipul dɛn bin tinap de luk, bɔt dɛn bigman we bin de rul na di kɔntri bin de laf Jizɔs, de se, “I kin sev ɔda pipul, mek i sev insɛf if in na di Mɛsaya, di pɔsin we Gɔd dɔn pik, fɔ tru!”
Wan Ju man bin de we bin nem Josɛf. I bin kɔmɔt na wan tɔŋ we nem Arimatia we de na Judia; na bin mɛmba na di Ju gran kot. I bin gud ɛn i bin de waka tret,