Ak eng' kenyiit ne po taman ak muut ne po laitornatetap Tiberia Caesarea, ye ki pounindet ne po Judea Pontio Pilato, ak Herod ko ki kirwoogindet ne po Galilaya, ak ki kirwoogindetap Iturea ak Trakoniti Philipu ng'eetap kametap Herod, ak ki Lusania kirwoogindet ne po Abilene,
ko uu ye ki kisir eng' bukuitap ng'aleegap maotyot Isaiah, keele, “Kutitap chii ne ititeni eng' surkwen koleen, ‘Ochop ooreetap Kiptaiyat, olitiit ole punooti.
Tuun kilong'u atebweet age tugul, ak tuun kiribribi tulweet age tugul ne oo ak ne ming'in, ak tuun kilititi che kunuuren, ak kichaboi ortinwek che sing'ortot;
Ki mwachi anyun tuiyosyek che kibendi ole mi ineendet, si kobatisan, koleenji, “Ee okweek lagogap erenook che tinye ng'wonet, ng'oo ne kagoteeiywok omweune nereeknateet ne tuun nyoonei?
Ak kiteebe kiplugotinik ak icheek koleenji, “Ki yai nee anyun acheek?” Ak ki leenji, “Amomu chii age tugul, anan orebe chii kiy; ago ingoyamak melekwekwok.”
kowolji Johana icheek tugul koleenji, “Abatisanook eng' peek iman; ago nyoonei ineendet ne kiim kosiiro, ne ma nyoljino atyach anoogap kweonikyik. Ibatisanook ineendet eng' Kabuuset ne Tiliil ak maat.
ak kochoorchigei ineendet Kabuuset ne Tiliil, eng' kergeindap cheptuget, ak komang'une kutit kipsengwet kole, “Inyeendet ko ii Weeriinnyu chamanennyu; agasenengei.”