Ando burs desupanllengo katar o gazdaripe e charoko o Tiberio, o Ponsio Pilato gazdarila ande Judea, o Erodes gazdarila ande Galilea, leko pplal o Felipe gazdarila ande Iturea katar e Trakonitide, ta o Lisanias gazdarila ande Abilinia.
ta o Juan nakklo katar sa e ttana kai si pasa e Jordaneki len, ta ppenela e llenenge kai saia te irinpe katar pe bilache droma ta te kristinpe, te sai avel prostime lengo bilachipe.
Cheren ezgode te sai dikkol bristomaia kai irisailen kai o Gazda, ta na ppenen maskar tumende: ‘Amen sam katar e vicha e Abraameki.’ Soke chachimaia ppenau tumenge kai llik katar gala barra o Del sai cherel llenen katar e vicha e Abraameki.
Ta i nesave boñikura puchle le: —A amen, ¿so si te chera? Vou ppenda lenge: —Na len nikatar niso pezor, ta na dosaren nika katar so ni cherda. Ta veselin tumen gole lovenchar kai len.
a o Juan ppenda saurrenge: —“Me, chachimaia kristiu tumen e paiea; a avel pala ma iek kai ka kristil tumen e Duoia ta e iagaia. Le si mai but zor neko man, a me ni sem lacho ni te putarau o kavisi katar leke sinele.
Ande leko va si o kas kai chudel lea upre o lliu te chistol le, ta ka fulavel le katar e char suki. Ka guruvel o lliu ande po cher kai gurudol o lliu, a e char suki ka ppabarel la ande iek iag kai nikada ni merel.”
ta o Santo Duo fuliela upral pe lete sargo iek gulubo, ta asundilo iek avazi katar o miloso kai ppenenela: —Tu san mo Chavo kai voliu; ande tu si man veselia.
kai saia chavo e Levieko, kai saia chavo e Simeoneko, kai saia chavo e Judaeko, kai saia chavo e Joseeko, kai saia chavo e Jonaseko, kai saia chavo e Eliakimeko,
kai saia chavo e Davideko, kai saia chavo e Nataneko, kai saia chavo e Jeseeko, kai saia chavo e Obedeko, kai saia chavo e Boseko, kai saia chavo e Selaeko, kai saia chavo e Naasoneko,