O Jesus likisto ande iek llimia, kai saia e Simonoki, ta mangla letar te duriavel la katar e ppuv. Mapalal beslo ande llimia, ta andral sikavela e llenen.
Ondaka ikkarde e vastenchar e llenen kai radina lea zanio kai sea ande o goia llimia, te pomozin len. Ogola llele, ta pperde pe gachin e dui llimie kai lela te del o pai andre.
Ta daraile i o Santiago ta o Juan, chave e Zebedeoke, kai radina zanio e Simonoia. A o Jesus ppenda e Simonoke: —Na dara; katar angle ka ikane manusen.
Iek llive, o Jesus saia ande iek foro, ta avilo lete iek lleno kai saia pe lete e lepra. Kana dikkla e Jesuse, chudiape tele muia pe ppuv ta molisailo leke: —Gazda, te mangea, sai sastare man katar mo nasualipe.
Iek llive kana o Jesus sikavela, besena kote nesave fariseura ta i nesave kovacha e zakonoke kai avena katar suako rig e Galileaki, ta i katar e Judea ta katar o Jerusalem. Ta e zor e Gazdaki sikadola ando Jesus kana sastarela e nasualen.
a ni malade katar te den andre, soke sea but llene. Likiste upral po cher, cherde iek putardipe ta kotar fuliarde gole bange ande iek postelia, ta ttode le maskar e llene, angla o Jesus.
Ondaka e kovacha e zakonoke ta e fariseura mislisaile: “¿Ko si gava kai ppenel gola bilache alava? Gava lleno kusel e Devle gole alavenchar.” Samo o Del sai prostil o bilachipe.”
Goleke ka sikavau tumenge kai o Chavo e manuseko si le e zor pe ppuv te prostil o bilachipe. Ondaka ppenda e bangeke: —Uste, le chi postelia ta llatar kai cho cher.
Mapalal o Jesus, llelotar kotar ta dikkla iekke publikano. Gua lleno ikkardola Levi, ta besela po stali, kote kai pochindol e love e ppuviake. O Jesus ppenda leke: —Aide pala ma.
Ta i ppenda lenge gaia paramichi: —Niko ni chinel iek kotor chiti katar iek fistano nevo te lacharel iek fistano purano. Soke te cherdol gia, murilpe o fistano nevo; ta o kotor nevo ni ka achel sukar po fistano purano.
Ta niko ni kamel e mol nevi kana piel e mol e purani, soke suako lleno kai piel mol purani mapalal ni kamel te piel e mol nevi soke ppenel gia: ‘E mol purani si mai sukar.’