ondaka o Jesus phenda ogole llenenge: Ka puchau tumen iek ezgoda: ¿So sai cherdol ando llive sabado: O lachipe o o bilachipe? ¿Te bradui iek zivoto o te zatri le?
O Jesus fulisto katar o burdo lenchar ta achilo pe iek bari umal. Chidinailea but llene kai llana pala le ta but llene katar sa e forura e judeake, katar o Jerusalem ta katar o Tiro ta o Sidon kai si pasa e mora.
Blagosime te aven tumen kana e llene ka murzin pe tumende, kana ka traden tumen, kana ka kusen tumen kana ka murzin pe tumaro anav sargo kana si iek ezgoda bilachi, pala o Chavo e Manuseko.
A te den unllile samo golen kai mange te le lendar i tu vareso, ¿savi bari ezgoda cheren? I e bilache den pe unllile maskar pete, te len chari iek averetar.
Tumen morabi te volisaren tumare dusmanonen, ta te cheren o lachipe, ta te na mangen chari kana den unllile, ta gia ka avel baro tumaro chari, ta tumen ka aven chave katar o Del e milosoko, kai si lacho i e llenenchar kai ni den fala ta e bilachenchar.
A te na acharea kai si iek kas ande chi iak, ¿sar phene che phlaleke: Phlala, muk te ikanav e truña kai si ande chi iak? ¡Manus kojamno san! mai anglal ikan o kas kai si ande chiri iak, ta ondaka ka dikhe sukar te ikane e truña katar e iak che phlaleki.
O manus lacho del orbe lache soke o lachipe si ande leko lio, a o manus bilacho del orbe bilache soke o bilachipe si ande leko lio. Soke o manus del orba katar so mai but si ande leko lio.
gua lleno si sargo iek manus kai mai anglal anada but te vazdel po cher, ta vazdiale po barr. Kana barili e len, o pai chalada zurale pe gua cher, a ni miskosarda le, soke vazdieale po barr.
A vareko kai asunel me alava ta ni cherel so phenav, si sargo iek manus kai cherda po cher pe chisai ta ni anada te malavel e phuv zurali. Ta kana e len barili ta chalada zurale ando cher, pelotar ta achilo sa pe kotora.