Daud tame ojok dalem Gedéng Allah terus bait ruti saq sampun teaturang tipaq Allah, terus kelorangne dait béngne tipaq pengiring-pengiringne, padahal ruti nike ndéq kanggo tekelor kecuali siq imam-imam?”
Ahli-ahli Taurat dait dengan Parisi mélé boyaq kesalaqan Deside Isa adéqne bau ngelaporang Ie. Jari ie pade tetep merhatiang napi Ie gen nyelahang dengan léq jelo Sabat.
Deside Isa cingakin sekelining ie pade selapuq, terus bemanik tipaq dengan nike, “Ulurang imende.” Dengan nike ngulurang imene, terus imene jari selah.
Sesampun menah, Ie ngemanikang pengiring-pengiring-Ne, terus piléq due olas dengan léman ie pade, Deside Isa aranin due olas dengan nike rasul-rasul. Aran dengan-dengan nike:
Nabi-nabi jaman laéq teperlakuang maraq nike éndah. Lamun hal nike telaksane, side pade harus terimaq secare ihlas, dait tetep besukecite, séngaq upaq side pade beléq léq sorge.
Celake side pade saq besuh mangkin niki; séngaq side pade gen kelapahan! Celake side pade saq keleléq mangkin niki; séngaq side pade gen aséq dait nangis!
Lamun side pade ngasihin dengan-dengan saq ngasihin side pade, napi saq gen jari upaqde? Dengan bedose éndah ngasihin dengan-dengan saq ngasihin ie pade!
Dait lamun side pade nyinggaqang képéng cume tipaq dengan-dengan saq bau nulakang, napi upaqde? Dengan bedose éndah nyinggaqang képéng tipaq dengan bedose, terus ie tagih malik!
Seharusne ndéq maraq nike! Sebalikne side pade harus ngasihin musuhde dait solah léq ie pade. Side pade harus béng nyinggaq, dait ndaq harepang tetulakang malik. Lamun maraq nike, upaqde gen beléq dait side pade gen jari bije-bije dowén Allah Saq Maheagung. Séngaq Allah nike murah até léq dengan saq ndéq tao betampi asih, dait tipaq saq jahat éndah.
“Ndaq side pade hakimin dengan lain, make side pade ndéq gen tehakimin. Ndaq side pade hukum dengan lain, make side pade ndéq gen tehukum; ampunin dengan lain dait side pade gen teampunin.
Pade béng tipaq dengan lain, dait side pade gen tebéng: Sopoq takahan saq solah, saq tepadetang, saq tegerik dait saq tumpah ojok luah gen tebéng tipaq side pade. Séngaq ukuran saq side pade kadu léq dengan lain, nike éndah gen tekadu siq Allah léq side pade.”
Beterus Deside Isa nyampéang malik tipaq ie pade sopoq perumpamean: “Lamun dengan bute pimpin dengan bute saq lain, pasti deduaqne gen geriq ojok longkak.