Nu ṭhenkhat, thlarau bawlhhlawh pai tihdamte leh na dam lehte pawh an tel bawk; Magdala khaw mi, a kawchhûng ata ramhuai pasarih chhuak ta Mari an tih te,
“Buh chi thehtu chu buh chi thehin a feh a; chutia a han theh chuan a ṭhen kawngah a tla a, miten an rap mai mai a, chunglêng savaten an tlân zo ta thuai a.
A ṭhen lei ṭhaah a tla a, a lo ṭhang lian a, a lêt za-in a rah ta a,” a ti a. Chûng thu chu a sawi a, “Ngaihthlâkna beng nei chuan ngaithla ngun rawh se,” tiin a au va.
Ani chuan, “Pathian ram thu ril chu nangni hriat atâna tih a ni a, mi dangte tân erawh chuan thu harsa a ni; hmu reng mah se an hmuh fiah theih lohva, hre mah se an hriatthiam loh nân.
Pialtlêp chunga mi chu, an hriat veleh thu chu lâwm taka pawm tate hi an ni; nimahsela, zung rêng an kai lo va, rei lo tê zawng an awih mai a, thlêmna an han tâwk hlek a, an tlûksan leh mai ṭhîn.
Hnimhlîngnei zînga tlate chu thu chu an hria a, a han ṭhang ve a; mahse, dam chhûng khawsak engtona leh nawmsak duhna chuan a rawn dîp a, rah puitling a chhuah ve ta lo va ni.
“Tu man an khâwnvâr hâl chu bêlin an khuh ngai lo, khum hnuaiah pawh an dah ngai hek lo, a lût apiangin a êng an hmuh theih nân a dahnaah an dah zâwk ṭhîn.
Chutichuan, in thu dawnsawn dânah fîmkhur rawh u, a nei apiang chu an pêk belhchhah ang a, a nei lo chu neia a inhriat chhun pawh an lâksak ang,” a ti a.
A hnênah an kal a, an kai tho va, “Hotupa, hotupa, kan boral dâwn e,” an ti a. Ani chu a lo tho va, thli leh tuifâwn chu a hau va; a bâng a, a reh ta ṭhuap a.
An hnênah chuan, “Khawiah nge in rinna?” a ti a. An hlau va, mak an ti êm êm a, “He mi hi tu nge ni le? Thli leh tui lam pawh thu a pe a, an awih mai hi!” an inti hlawm a.
Khawmuala a chhuah chuan khuaa mi, ramhuai man pakhat hian a rawn pan a. Chu mi chu rei tawh tak puan sin lovin inah pawh awm lovin thlânahte a chêng ṭhîn a.
Isua a han hmuh chuan a au va, a hmaah a bawkkhup a, ring takin “Isu, Pathian chungnungbera Fapa, ka chungthu-ah rawn inrawlh i tum elo? Mi nghaisa lul lo tûrin ka ngên a che,” tiin a au va.
Chu mi kawchhûnga thlarau bawlhhlawh chu chhuak tûrin thu a lo pe tawh si a. Ramhuai chuan vawi tam tak a buan tawh ṭhîn a, khaidiat te, kawlte an buntîr a, an vêng ṭhîn a; nimahsela, an hlinnate chu a tichat a, ramhuai chuan thlalêrahte a hruai ṭhîn.
Tichuan, eng thil nge lo thleng ta tih en tûrin mite chu an thawk chhuak a, Isua hnên an lo thlen chuan ramhuai chhuahsan tâka kha puan sina, rilru ngai puin Isua ke bula a ṭhu chu an rawn hmu a, hlauhawm an ti êm êm a.
Gerasin rama mi zawng zawng chuan hlauhawm an tih êm avâng chuan an hnên ata chhuak tûrin an ngên a; tichuan, ani chu lawngah a chuang a, kîr leh a tum a.
Nimahsela, Isuan, “I in lamah haw la, Pathianin thil a tihsak che hi va hril zâwk tawh,” tiin a kirtîr ta a. Tichuan, a kal a, khawpui chhûng zawng zawngah chuan Isuan thil a tihsak chu a va tlângaupui ta a.
a fanu mal kum sâwm leh pahnih vêl mi chu thi chhâwnga a lum reng avângin a ina kalah a ngên a. A kal ta a, innêk tûlh tûlh khawpa mipui nasain an zui a.
Tin, hmeichhe pakhat kum sâwm leh pahnih thi pût tawh, a sum neih zawng zawng pawh daktor laka sêng zo tawh, tu man an tihdam theih loh chu a hnungah a lo kal a, a puan fêm chu a rawn dek a,
Isuan, “Mi dek kha tu nge ni?” a ti a. ‘Kei chu ka ni lo’ an ti ṭheuh va, Peteran “Hotupa, mipuiin an zîm huai huai che a, an nêk nuk nuk che alâwm,” a ti a.
Tin, hmeichhia chuan inthup rual a ni ta lo tih a hriatin, khûr chungin a lo kal a, a hmaah a bawkkhup a, a deh chhan leh chawplehchilha a dam tâk mai thu mi zawng zawng hmaah a hrilh ta a.