|
| 1 |
|
| أَنَانً سَيْ عِيسَىٰ يَكِرَا شَا بِيُنَّنْ وُرِے طَيَ، يَبَاسُ إِيكُواْ دَ كُمَ إِظْنِ عَكَنْ دُكَنْ أَلْجَنُ، سُكُمَ وَرْكَرْدَ ثُوتُتُّكَ؞ |
|
| 2 |
|
| يَكُمَ عَيْكٜىٰسُ سُجٜىٰ سُيِ وَعَظِنْ مُلْكٍ اللَّهْ ، سُكُمَ وَرْكَرْدَ مَرَسَ لَاڢِيَ؞ |
|
| 3 |
|
| يَثٜىٰ مُسُ «كَدَ كُطَوْكِ كُواْمٜىٰ دُواْمِنْ تَڢِيَرْكُ، كَدَ مَا كُرِڧٜىٰ سَنْدَا، كُواْ جَكَ، كُواْ عَبِنْثِ، كُواْ كُطِ، كُواْ كُمَ كُطَوْكِ رِيغُنَ بِيُ؞ |
|
| 4 |
|
| دُكْ غِدَنْ دَ عَكَ كَرْٻٜىٰكُ، كُذَوْنَ أَنَنْ سَيْ لُواْكَثِنْ دَ ذَاكُ بَرْ غَرِنْ؞ |
|
| 5 |
|
| دُكْ عِنْدَ عَكَڧِ كَرْٻَرْكُ، إِنْ ذَاكُ بَرْ غَرِنْ سَيْ كُكَكَّٻٜىٰ ڧُورَرْ ڧَڢَاڢُنْكُ دُواْمِنْ يَذَمَ شَيْدَ عَكَنْسُ؞» |
|
| 6 |
|
| سَيْ سُكَتَاشِ سُكَ ظَظْذَاغَ ڧَوْيُكَ سُنَ وَعَظِنْ لَابَرِ مَيْ دَاطِے، سُنَ وَرْكَرْدَ مَرَسَ لَاڢِيَ عَكُواْعِنَ؞ |
|
| 7 |
|
| سَعَدَّ هِرُدُسْ مَيْ مُلْكٍ غَلِيلِ يَجِ لَابَرِنْ دُكَنْ أَبُبُوَنَّنْ دَسُكٜىٰ ڢَرُوَ، سَيْ يَدَامُ سُواْسَيْ، دُواْمِنْ وَطَنْسُ مُتَنٜىٰ سُنَ ثٜىٰوَ أَنْتَادَ يَحْيَى مَيْ بَڢْتِسْمَ نٜىٰ دَغَ مَتَتُّو؞ |
|
| 8 |
|
| وَطَنْسُ كُمَ سُنَ ثٜىٰوَ أَنَّبِے إِلْيَاسُ نٜىٰ يَسَاكٜىٰ بَيَّنَ؞ وَطَنْسُ كُمَ هَرْوَيَوْ، سُنَ ثٜىٰوَ طَيَ دَغَ ثِكِنْ أَنَّبَاوَا نَدَا نٜىٰ يَتَاشِ؞ |
|
| 9 |
|
| سَيْ هِرُدُسْ يَثٜىٰ «يَحْيَى دَيْ نَسَا عَكَ ثِرٜىٰ مَسَ كَيْ؞ تُواْ، وَنٜىٰنٜىٰ وَنَّنْ وَنْدَ نَكٜىٰ جِنْ أَبُبُوَنَّنْ عَكَنْسَ؟» سَيْ يَيِ تَڧُواْڧَرِ يَغَ عِيسَىٰ ؞ |
|
| 10 |
|
| دَ مَنْذَنِّےنْ سُكَ دَاوُاْ، سَيْ سُكَ ڢَطَا وَ عِيسَىٰ دُكَنْ أَبِنْدَ سُكَيِ؞ سَيْ يَطَوْكٜىٰسُ سُو كَطَيْ سُكَ تَڢِے وَنِ غَرِنْ دَ عَكٜىٰثٜىٰ دَشِ بٜىٰڟَيْدَ؞ |
|
| 11 |
|
| دَ مُتَنٜىٰ سُكَجِ يَنَ ثَنْ، سَيْ سُكَبِيشِ؞ يَكُوَ يِمُسُ مَرَبَ، يَيِ مُسُ مَغَنَ عَكَنْ مُلْكٍ اللَّهْ ، يَكُمَ وَرْكَرْدَ دُكَنْ مَاسُ بُڧَاتَ أَوَرْكَرْ دَسُو؞ |
|
| 12 |
|
| دَ رَانَ تَكُسَنْ ڢَاطُوَ، سَيْ شَا بِيُنْ سُكَذُواْ وُرِنْسَ سُكَثٜىٰ «كَسَلَّمِ مُتَنٜىٰ سُشِغَ ڧَوْيُكَ دَ كَرْكَرَ دُواْمِنْ سُنٜىٰمِ عَبِنْثِ دَ وُرِنْ ݣُونَ، دُوانْ عِنْدَ مُكٜىٰ بَا مُتَنٜىٰ؞» |
|
| 13 |
|
| عَمَّا عِيسَىٰ يَثٜىٰ مُسُ «كُو، كُبَاسُ وَنِ أَبُ سُثِ مَنَ؞» سَيْ سُكَثٜىٰ مَسَ «دُكْ أَبِنْدَ مُكٜىٰ دَشِ أَنَنْ بَيْ وُثٜىٰ غُرَاسَ بِيَرْ دَ كِيڢِ بِيُبَ؞ سَيْ دَيْ إِنْ ذَامُجٜىٰ مُسَيَ وَدُكَنْ جَمَعَرْ نَنْ عَبِنْثِ؞» |
|
| 14 |
|
| غَمَا مَظَا كَطَيْ سُنْ كَيْ وَجٜىٰنْ دُبُو بِيَرْ؞ عِيسَىٰ يَثٜىٰ وَ أَلْمَجِرَنْسَ «كُغَيَ وَمُتَنٜىٰنْ سُظَظْذَوْنَ عَڧُنْغِيُواْيِ حَمْسِنْ حَمْسِنْ؞» |
|
| 15 |
|
| سَيْ أَلْمَجِرَنْ سُكَبِے عُمَرْنِنْ سُكَسَا دُكَنْ مُتَنٜىٰ سُكَ ظَظْذَوْنَ؞ |
|
| 16 |
|
| سَيْ عِيسَىٰ يَطَوْكِ غُرَاسَ بِيَرْ دَ كِيڢِ بِيُ طِنَّنْ، يَطَغَ كَنْسَ سَمَ يَيِ وَ اللَّهْ غُواْدِيَ، سَعَنً يَكَكَّرْيَسُ، يَبَا أَلْمَجِرَنْسَ سُرَرَّبَا وَمُتَنٜىٰنْ؞ |
|
| 17 |
|
| دُكَ كُوَ سُكَثِ سُكَ ڧُواْشِ؞ أَلْمَجِرَنْ سُكَ ݣُوشٜىٰ سَوْرَنْدَ يَرَغُ حَرْ سُكَ ثِكَ ݣُونْدُنَ غُواْمَشَا بِيُ؞ |
|
| 18 |
|
| وَتَرَانَ عِيسَىٰ يَنَ أَدُّعَ شِ كَطَيْ، أَلْمَجِرَنْسَ كُمَ سُكَذُواْ وُرِنْسَ؞ سَيْ يَتَمْبَيٜىٰسُ يَثٜىٰ «وَ مُتَنٜىٰ سُكٜىٰثٜىٰ دَنِے؟» |
|
| 19 |
|
| أَلْمَجِرَنْسَ سُكَثٜىٰ مَسَ «وَطَنْسُ سُنَ ثٜىٰوَ كَيْنٜىٰ يَحْيَى مَيْ بَڢْتِسْمَ، وَطَنْسُ كُمَ سُنَ ثٜىٰوَ كَيْنٜىٰ أَنَّبِے إِلْيَاسُ؞ هَرْوَيَوْ وَطَنْسُ سُنَ ثٜىٰوَ طَيَ دَغَ ثِكِنْ أَنَّبَاوَنْ دَا نٜىٰ يَتَاشِ؞» |
|
| 20 |
|
| سَيْ عِيسَىٰ يَثٜىٰ مُسُ «عَمَّا كُو ڢَا، وَنٜىٰنٜىٰنِے أَغَنِنْكُ؟» بِتْرُسْ يَأَمْسَ يَثٜىٰ «كَيْنٜىٰ أَلْمَسِيحُ نَ اللَّهْ ؞» |
|
| 21 |
|
| سَيْ عِيسَىٰ يَجَا مُسُ كُنّٜىٰ سُواْسَيْ كَدَ سُغَيَ وَكُواْوَ وَنَّنْ مَغَنَ؞ |
|
| 22 |
|
| يَسَاكٜىٰ غَيَ مُسُ ثٜىٰوَ «لَلَّيْ نٜىٰ طَنْ مُتُمْ يَشَا وُيَ إِرِ إِرِ، شُوغَبَنِّنْ جَمَعَ دَ مَنْيَنْ ڢِرِسْتُواْثِے دَ مَلَمً كُواْيَرْوَرْ مُوسَٰى سُڧِيشِ، حَرْ عَكَشٜىٰشِ، عَمَّا رَانَ تَ عُكُ عَتَاشٜىٰشِ كُمَ؞» |
|
| 23 |
|
| سَيْيَثٜىٰ وَدُكَنْسُ «دُكْ مَيْسُواْ يَبِينِ، سَيْيَڧِ كَنْسَ، يَطَوْكِ غِثِّيٜىٰنْسَ كُواْوَثٜىٰ رَانَ، يَبِينِ؞ |
|
| 24 |
|
| غَمَا دُكْ وَنْدَ يَكٜىٰسُواْ يَثٜىٰثِ رَنْسَ، ذَيْ رَسَشِ؞ عَمَّا دُكْ وَنْدَ يَرَسَ رَنْسَ سَبُواْدَنِ، ذَيْثٜىٰثٜىٰشِ؞ |
|
| 25 |
|
| وَنٜىٰ أَمْڢَانِ نٜىٰ مُتُمْ ذَيْسَامُ، إِنْ يَسَامِ دُونِيَا دُكَ عَكَنْ هَسَرَرْ رَنْسَ كُواْ عَبَاكِنْ رَنْسَ؟ |
|
| 26 |
|
| غَمَا دُكْ وَنْدَ يَكٜىٰ جِنْ كُنْيَاتَادَ كُمَ كُنْيَرْ مَغَنَاتَ، طَنْ مُتُمْ مَا ذَيْجِے كُنْيَرْسَ لُواْكَثِنْ دَ ذَيْذُواْ عَثِكِنْ طَوْكَكَرْسَ دَ كُمَ طَوْكَكَرْ عُبَنْسَ دَ تَمَلاَىِٕكُ مَاسُ ڟَرْكِے؞ |
|
| 27 |
|
| حَڧِيڧَ إِنَ غَيَ مُكُ، أَݣَويْ وَطَنْسُ أَنَنْ ڟَيٜىٰ دَ بَذَاسُ مُتُبَ سَيْ سُنْ غَا مُلْكٍ اللَّهْ ؞» |
|
| 28 |
|
| بَايَنْ كَمَرْ ݣُونَ تَݣُوسْ دَ يِنْ وَنَّنْ مَغَنَ، سَيْ عِيسَىٰ يَطَوْكِ بِتْرُسْ دَ يَحْيَى دَ كُمَ يَعْڧُوبَ، سُكَ هَوْ كَنْ تُدُ تَرٜىٰ دُواْمِنْ سُيِ أَدُّعَ؞ |
|
| 29 |
|
| يَنَ ثِكِنْ أَدُّعَ، سَيْ ڢُسْكَرْسَ تَثَنْجَ كَمَنِّ، رِيغُنَنْسَ كُمَ سُكَيِ ڢَرِ ڢَتْ، حَرْ سُنَ كَشٜىٰ عِدُواْ؞ |
|
| 30 |
|
| بَا لَابَرِ سَيْغَا وَطَنْسُ مُتُمْ بِيُ سُنَ مَغَنَ دَشِ، وَتُواْ، أَنَّبِے مُوسَٰى نٜىٰ دَ أَنَّبِے إِلْيَاسُ؞ |
|
| 31 |
|
| سُنْ بَيَّنَ دَ طَوْكَكَ، سُنَ مَغَنَ دَ عِيسَىٰ عَكَنْ يَدَّ ذَيْثِكَ نُڢِنْ اللَّهْ تَمُتُوَرْ دَ ذَيْ يِ أَ عُرُوشَلِيمَ؞ |
|
| 32 |
|
| بِتْرُسْ تَرٜىٰدَ أَبُواْكَنْ تَڢِيَرْسَ كُوَ سُنَ بَرْثِ؞ دَ سُكَ ڢَرْكَ سَيْ سُكَغَ طَوْكَكَرْ عِيسَىٰ دَ كُمَ مُتُمْ بِيُنَّنْ دَسُكٜىٰ ڟَيٜىٰ تَرٜىٰ دَشِ؞ |
|
| 33 |
|
| دَ مُتَنٜىٰنَّنْ ذَاسُبَرْ عِيسَىٰ كٜىٰنَنْ، سَيْ بِتْرُسْ يَثٜىٰ مَسَ «مَيْغِرْمَ، يَيِݣَوْ دَمُكٜىٰ أَنَنْ! بَرِ مُيِ بُكُّواْكِ عُكُ، طَيَ دُواْمِنْكَ، طَيَ دُواْمِنْ أَنَّبِے مُوسَٰى، طَيَ كُمَ دُواْمِنْ أَنَّبِے إِلْيَاسُ؞» بَيْ مَا سَنْ أَبِنْدَ يَكٜىٰ ڢَطَابَ؞ |
|
| 34 |
|
| بَيْ رُڢٜىٰ بَاكِبَ سَيْغَا غِرْغِجٜىٰ يَرُڢٜىٰسُ؞ دَ غِرْغِجٜىٰنْ يَرُڢٜىٰسُ، سَيْ أَلْمَجِرَنْ سُكَجِڟُواْرُواْ؞ |
|
| 35 |
|
| سَيْ مُرْيَ تَڢِتُواْ دَغَ ثِكِنْ غِرْغِجٜىٰنْ تَنَ ثٜىٰوَ «وَنَّنْ طَانَ نٜىٰ وَنْدَ نَذَاٻَا؞ كُسَوْرَرٜىٰشِ!» |
|
| 36 |
|
| دَ مُرْيَرْ تَيِ شِضُ، سَيْ عَكَغَ عِيسَىٰ شِ كَطَيْ؞ أَلْمَجِرَنْ كُوَ سُكَيِ شِضُ دَ بَاكِنْسُ؞ عَݣُونَكِنْنَنْ كُوَ بَسُ ڢَطَا وَكُواْوَ أَبِنْدَ سُكَ غَنِبَ؞ |
|
| 37 |
|
| وَشٜىٰغَرِ سَعَدَّ عِيسَىٰ دَ أَلْمَجِرَنَّنْ غُدَا عُكُ سُكَ سَوْكَ دَغَ كَنْ تُدُنْ، سَيْغَا وَنِ بَبَّنْ تَارُواْ يَا ذُواْ يَسَامٜىٰشِ؞ |
|
| 38 |
|
| سَيْ وَنِ دَغَ تَارُوانْ يَيِ كِرَا دَ ڧَرْڢِے يَثٜىٰ «مَلَمْ! إِنَ ضُواْڧُوانْكَ كَجِ تَوْسَيِنْ طَنَّنْ نَوَ، شِينٜىٰ كَطَيْ نَكٜىٰ دَشِ! |
|
| 39 |
|
| غَاشِ، وَنِ رُوحُ يَكَنْ هَوْ شِ، يَكَنْسَاشِ يَيِ إِيهُ كَوَيْ بَادَلِيلِ؞ رُوحٌ كُمَ يَكَنْ بُغٜىٰشِ، جِكِنْسَ يَنَ ضَوَ، حَرْ بَاكِنْسَ يَيِ كُمْڢَ؞ بَايَ بَرِنْسَ سَيْ يَيِ مَسَ ثِيوُاْ سُواْسَيْ؞ |
|
| 40 |
|
| تُواْ، نَضُواْڧِ أَلْمَجِرَنْكَ سُڢِتَرْ دَشِ، عَمَّا بَسُ عِيَبَ؞» |
|
| 41 |
|
| سَيْ عِيسَىٰ يَأَمْسَ، يَثٜىٰ «كُو مُتَنٜىٰنْ ڟَارَرْ نَنْ مَرَسَ بَنْغَسْكِيَ، مَاسُ مُغُنْتَا! حَرْ ذُوَا يَوْشٜىٰ ذَنْ ذَوْنَ دَكُو إِنَ جِمْرٜىٰ مُكُ؟ كَٰوُاْ يَرُوانْكَ أَنَنْ؞» |
|
| 42 |
|
| يَرُوانْ يَنَ ذُوَا كٜىٰنَنْ سَيْ أَلْجَنِنْ يَطَغَشِ يَبُغَ عَڧَسَا، جِكِنْسَ يَڢَارَ ضَوَ؞ عَمَّا عِيسَىٰ يَڟَاوَتَا وَڧَظَامِنْ رُوحٌ يَوَرْكَرْدَ يَرُوانْ يَمَيْدَشِ غَ بَابَنْسَ؞ |
|
| 43 |
|
| دُكَنْ مُتَنٜىٰنْ دَسُكٜىٰ وُرِنْ سُكَ كَامَ بَاكِ سُنَ مَامَاكِنْ إِيكُوانْ اللَّهْ ؞ مُتَنٜىٰ سُنَ ثِكِنْ مَامَاكِنْ أَبُبُوَنْ دَ عِيسَىٰ يَكٜىٰيِ، سَيْيَثٜىٰ وَ أَلْمَجِرَنْسَ، |
|
| 44 |
|
| «كُكَسَ كُنّٜىٰ غَ أَبِنْدَ ذَنْ ڢَطَا مُكُ! ذَاعَ بَادَ طَنْ مُتُمْ غَ حَنُّنْ مُتَنٜىٰ؞» |
|
| 45 |
|
| عَمَّا أَلْمَجِرَنْ بَسُ غَانٜىٰ أَبِنْدَ يَكٜىٰ نُڢِ دَ وَنَّنْ مَغَنَبَ، أَنْٻُواْيٜىٰ مُسُ عِتَ نٜىٰ دُواْمِنْ كَدَ سُغَانٜىٰ؞ سُو كُمَ سُكَجِڟُواْرُواْ سُتَمْبَيٜىٰشِ غَمٜىٰدَ وَنَّنْ مَغَنَ؞ |
|
| 46 |
|
| سَيْ مُسُو يَتَاشِ أَڟَكَانِنْ أَلْمَجِرَنْ عَكَنْ كُواْ وَنٜىٰنٜىٰ عَثِكِنْسُ يَڢِ غِرْمَ؞ |
|
| 47 |
|
| عِيسَىٰ يَغَانٜىٰ تُنَانِنْسُ، سَيْ يَطَوْكِ وَنِ طَنْ ڧَرَمِنْ يَرُواْ، يَسَا شِ يَڟَيَ كُسَدَشِ، |
|
| 48 |
|
| يَثٜىٰ مُسُ «دُكْ وَنْدَ يَكَرْٻِ وَنَّنْ طَنْ يَرُواْ سَبُواْدَنِ، يَكَرْٻٜىٰنِنٜىٰ، كُمَ دُكْ وَنْدَ يَكَرْٻٜىٰنِ، يَكَرْٻِ وَنْدَ يَعَيْكُواْ نِنٜىٰ؞ دُواْمِنْ وَنْدَ يَڢِ ڧَنْڧَنْتَ عَثِكِنْكُ دُكَ، شِينٜىٰ يَڢِ غِرْمَ؞» |
|
| 49 |
|
| سَيْ يَحْيَى يَثٜىٰ «مَيْغِرْمَ، مُنْ غَا وَنِ يَنَ ڢِتَرْدَ أَلْجَنُ عَثِكِنْ سُونَنْكَ، مُكَ هَنَشِ، دُوانْ بَايَ بِنْمُ؞» |
|
| 50 |
|
| عِيسَىٰ يَأَمْسَ، يَثٜىٰ «كَدَ كُهَنَشِ، أَيْ، دُكْ وَنْدَ بَايَ غَابَادَكُو، نَاكُ نٜىٰ؞» |
|
| 51 |
|
| دَ لُواْكَثِ يَيِكُسَدَ عِيسَىٰ ذَيْ كُواْمَ ذُوَا سَمَ، سَيْ يَسَا كَيْ ذُوَا عُرُوشَلِيمَ؞ |
|
| 52 |
|
| سَيْ يَعَيْكِ یَنْ عَيْكَ سُيِ غَبَ، سُو كُوَ سُكَجٜىٰ ثِكِنْ وَنِ ڧَوْيٜىٰ نَ سَمَرِيَ، دُواْمِنْ سُشِشِرْيَ مَسَ أَبُبُوَ؞ |
|
| 53 |
|
| عَمَّا مُتَنٜىٰنْ ڧَوْيٜىٰنْ سُكَڧِ سُكَرْٻٜىٰشِ، دُواْمِنْ يَسَا كَيْ ذُوَا عُرُوشَلِيمَ؞ |
|
| 54 |
|
| دَ أَلْمَجِرَنْسَ يَعْڧُوبَ دَ يَحْيَى سُكَغَ حَكَ، سَيْ سُكَثٜىٰ « عُبَنْغِجِ ، كَنَ سُواْ مُ عُمَرْثِ وُتَا يَسَوْكَ دَغَ سَمَ يَثِنْيٜىٰسُ؟» |
|
| 55 |
|
| عَمَّا عِيسَىٰ يَجُويَ، يَڟَاوَتَا مُسُ؞ |
|
| 56 |
|
| سَيْ سُكَجٜىٰ وَنِ ڧَوْيٜىٰ؞ |
|
| 57 |
|
| دَ سُنَ كَنْ حَنْيَ، سَيْ وَنِ مُتُمْ يَثٜىٰ وَ عِيسَىٰ «ذَنْبِيكَ دُكْ عِنْدَ ذَاكَ؞» |
|
| 58 |
|
| عِيسَىٰ يَأَمْسَمَسَ يَثٜىٰ «كَرْنُكَنْ دَاجِ سُنَدَ رَامُكَنْسُ، ڟُنْڟَيٜىٰ كُمَ سُنَدَ وُرِنْ ݣُونَنْسُ، عَمَّا طَنْ مُتُمْ بَاشِ دَ وُرِنْ ݣُونَ؞» |
|
| 59 |
|
| يَكُمَثٜىٰ وَوَنِ «بِينِ؞» عَمَّا مُتُمِنَّنْ يَثٜىٰ «مَيْغِرْمَ، بَرِ إِنْجٜىٰ إِنْبِنّٜىٰ بَابَنَ تُكُنَ؞» |
|
| 60 |
|
| عِيسَىٰ يَأَمْسَ مَسَ يَثٜىٰ «بَرِ وَطَنْدَ سُكَ مُتُ سُبِنّٜىٰ یَنْعُوَنْسُ مَتَتُّو؞ عَمَّا كَيْ، كَجٜىٰ كَيِ شٜىٰلَرْ مُلْكٍ اللَّهْ ؞» |
|
| 61 |
|
| وَنِ مُتُمْ كُمَ يَثٜىٰ «نِے ذَنْبِيكَ، مَيْغِرْمَ، عَمَّا كَبَرْنِ إِنْجٜىٰ إِنْيِ بَنْݣُونَ دَ مُتَنٜىٰنْ غِدَانَ تُكُنَ؞» |
|
| 62 |
|
| عِيسَىٰ يَثٜىٰمَسَ «دُكْ وَنْدَ يَڢَارَ نُواْمَ دَ كٜىٰكٜىٰنْ نُواْمَ، يَنَ كُمَ دُوبَنْ بَايَ، بَيْ دَاثٜىٰ دَ مُلْكٍ اللَّهْ بَ؞» |
|
|
|
|