Apang sang pagkabati ni Jesus sini nagsiling sia, “Ining masakit indi ikamatay; kondi ini tungud sa himaya sang Dios, agud nga ang Anak sang Dios mahimaya paagi sini.”
Si Jesus nagsabat, “Indi bala napulog duha ka takna sa isa ka adlaw? Kon ang tawo nagalakat sa adlaw, wala sia nagakasandad, bangud nga makakita sia sang kapawa sining kalibutan.
Sang nakasiling sia sini, naglakat sia kag gintawag si Maria nga iya utud, nga nagasiling sing mahinay, “Ang Manunudlo yari diri kag nagatawag sa imo.”
Ang mga Judio nga kaupud niya sa balay, nga nagalipay sa iya, sang nakita nila si Maria nga nagtindug sing dalidali kag naggowa nagsonod sa iya, nga nagahunahuna nga makadto sia sa lulubngan sa paghaya didto.
Niyan si Maria, sang pag-abut niya diin si Jesus kag nakita sia, nagyaub sa iya tiilan, nga nagasiling sa iya, “Ginoo, kon yari ka, wala kuntani mapatay ang akon utud.”
Si Jesus nagsiling, “Kuhaa ninyo ang bato.” Si Marta, nga utud sang napatay, nagsiling sa iya, “Ginoo, sa sining tion mabaho na sia, kay apat na sia ka adlaw nga napatay.”
Nakahibalo ako nga ginapamatian mo ako sa gihapon, apang bangud sang katawohan nga nagatindug sa palibut ginsiling ko ini, agud nga magtoo sila nga ginpadala mo ako.”
Ang tawong patay naggowa, nga nasamburan sa mga kamut kag mga tiil sang mga isalambud nga sa lubung, kag ang iya nawung naputus sing panyo. Si Jesus nagsiling sa ila, “Hubari sia, kag palakta.”
Gani ang puno nga mga sacerdote kag ang mga Fariseo nagtawag sang corte, kag nagsiling, “Ano bala ang aton himoon? Kay ining tawo nagahimo sing madamung tanda.
Ini wala niya ginsiling sing kinaugalingon, apang kay pinakamataas nga sacerdote sia sadtong tuig gintagna niya nga si Jesus mapatay tungud sa pungsud,
Busa si Jesus wala na maglagaw sing dayag sa tunga sang mga Judio, kondi naghalin sia pakadto sa duta nga malapit sa kamingawan, sa banwa nga gintawag Efraim; kag didto nagpabilin sia upud sang iya mga gintoton-an.
Karon ang Pascua sang mga Judio malapit na, kag madamu ang nagtaklad gikan sa kaumhan pa Jerusalem sa wala pa ang Pascua, sa pagpaninlo sang ila kaugalingon.
Karon ang puno nga mga sacerdote kag ang mga Fariseo nagsogo nga kon may tawo nga makahibalo kon diin sia, magpahibalo sia sa ila, agud nga madakup nila si Jesus.