Sebedau Gawai Paska berengkah, Jesus nemu maya endang udah datai alai Iya deka ninggalka dunya tu, lalu mupuk ngagai Apai. Iya endang seruran rinduka nembiak Iya ke di dunya tu, lalu Iya rinduka sida datai ke ujung.
Udah nya Iya nuang ai ke dalam bisin, lalu belabuh masu kaki sida murid, lalu ngendas kaki sida ngena kain mandi ti udah ditanchangka Iya ba punggung Iya.
Lebuh Iya udah masu kaki sida, lalu udah ngerasukka serayung Iya baru, lalu pulai baru ngagai endur Iya ba mija nya, Iya lalu bejaku ngagai sida, “Kati kita nemu utai ti udah dikereja Aku ngagai kita?
Aku ukai bejakuka pasal semua kita. Aku nemu sapa ke udah dipilih Aku. Tang tu kena ngamatka Bup Kudus, ‘Orang ke makai roti Aku, udah ngangkatka tumbit iya deka ngelaban Aku.’
Jesus lalu nyaut, “Orang ke deka diberi Aku roti tu, lebuh Aku udah nyepuhka roti tu ke dalam mangkuk.” Lebuh Iya udah nyepuhka roti nya, Iya lalu meri roti nya ngagai Judas anak Simon Iskariot.
Anak, Aku semina enda lama aja agi enggau kita. Kita deka ngiga Aku. Lalu munyi ti udah dipadahka Aku ngagai orang Judah, baka nya mega Aku madah ngagai kita, ‘Kita enda ulih datai ngagai endur ti deka digagai Aku.’
Simon Peter lalu bejaku ngagai Iya, “Tuhan, ka kini ke Nuan?” Jesus lalu nyaut, “Diatu nuan enda ulih nitihka Aku ngagai endur ti deka digagai Aku, tang ila baru nuan nitihka Aku.”
Disaut Jesus, “Kati nuan amat sedia deka nyerahka nyawa diri ketegal Aku? Enggau bendar Aku madah ngagai nuan, sebedau manuk mengkukuk nuan udah besangkalka Aku tiga kali.”