यीशु ले उथैं क्योछ, “हे फिलिप्पुस, मैं कदुक दिन भटे तुमार दगाड़ छूँ, और क्या तैं मैंस नै जाणनै? जेलै मैंस देखछै, उले पिता स ले देखछै,” तैं किलैं कुछै कि पिता स हमून ले देखा?
क्या तैं मैंमें विश्वास करछैई, कि मैं पिता में रूछूँ और पिता मैंमें रूछो? यो बात जो मैं तुमूनथैं कुछूँ, मैं अपून अधिकार ले नै कुनू, लेकिन पिता परमेश्वर मैंमें रैभेरन उई करछो जो उ चाछो।
मैं तुमूनथैं सच्ची-सच्ची कुछूँ, कि जो मैंमें विश्वास राखछो, यो काम जो मैं करछूँ उले करोलो, बल्कि इनून है ले ठूला काम करोलो, क्याखिनकि मैं पिता का पास जाछूँ।
उ सत्य को आत्मा, जो पवित्र आत्मा छै, उ परमेश्वरा का बारिमें सत्य प्रगट करछो, जैस संसार ग्रहण नै करि सकनो, क्याखिन उ नै ऊस देखछो और नै ऊस जाणनो तुम ऊस जाणछा क्याखिनकि उ तुमार दगाड़ रूछो, और उ तुमून में होलो।
जो मेरि आज्ञान जाणछो। और उ उनून मानछो, उई मैंस प्रेम राखछो, और जो मैंस प्रेम राखछो, ऊस म्येरो पिता परमेश्वर ले प्रेम राखोलो, और मैं ऊस प्रेम राखूलो और अपूनास उमें प्रगट करोलो।”
यीशु ले उनुस जबाब दीछ, मैं अपूनास इसा लोगून दिखुछूँ जो मैंस प्रेम करनान, और जो म्यारा हुकमून मानोलो, और म्येरो पिता परमेश्वर उथैं प्रेम राखोलो, और हम उक पास ऊँला और उक दगाड़ रूला।
जो मैथैं प्रेम नै राखनो, उ म्यारा हुकमून नै माननो, और जो बात मैं तैथैं कुछूँ, मैं अपून अधिकार नै कुनू, लेकिन पिता परमेश्वरा का अधिकार ले कुछूँ, जेलै मैंस भेज रैछ।
लेकिन मद्दगार मतलब पवित्र आत्मा जैस पिता परमेश्वर म्यारा अधिकार का दगाड़ भेजोलो, पवित्र आत्मा तुमून सब बातुन सिखालो, और जेलै मैंले तुमूनथैं कै रैछ, उ सब तुमून याद करालो।”
तुमूले मैंथैं पैलि भटे सुण रैछ, कि ‘मैं जाछूँ और तुमार पास फिर वापस उछूँ,’ अगर कोई मैथैं प्रेम राखछा, त यो बात ले खुशी हुछा कि मैं पिता परमेश्वरा का पास जाछूँ क्याखिनकि पिता मैं है ठूला छन।