Tang Aku udah madahka tu ngagai kita, ngambika lebuh maya nya datai, kita ingatka utai ti dipadahka Aku ngagai kita pasal sida. Aku enda madahka utai tu ngagai kita ba pun iya suba, laban Aku bisi enggau kita.
Tang enggau bendar Aku madah ngagai kita: kita untung enti aku mupuk, laban enti Aku enda mupuk, Penyaup enda datai ngagai kita. Tang enti Aku mupuk, Aku deka ngirumka Iya ngagai kita.
Tang lebuh Roh pemendar datai, Iya deka ngiring kita ngagai semua pemendar, laban Iya ukai bejaku nitihka peneka Iya Empu, tang deka nyebut semua utai ti didinga Iya, lalu Iya deka madah ngagai kita semua utai ti deka nyadi.
Sekeda sida murid Iya lalu bejaku enggau pangan diri, “Nama reti utai ti dipadahka Iya ngagai kitai, ‘Enda lama da agi kita nadai agi meda Iya, lalu enda lama udah nya, kita deka meda Iya’? Lalu nama reti, ‘laban Aku mupuk ngagai Apai’?”
Jesus nemu sida bisi ati deka nanya Iya, nya alai Iya lalu bejaku ngagai sida, “Kati kita berandau enggau pangan diri pasal utai ti ku Aku lebuh Aku nyebut, ‘Enda lama da agi, kita nadai agi meda Aku, lalu enda lama udah nya, kita deka meda Aku’?
Enggau bendar Aku madah ngagai kita: kita deka nyabak, sereta ngulit, tang dunya deka rami gaga ati. Ati kita deka tusah ati, tang ati kita ti tusah deka bebali nyadi pengaga.
Ba hari nya, kita enda agi minta utai ari Aku. Enggau bendar Aku madah ngagai kita, enti kita minta sebarang utai ari Apai dalam nama Aku, Iya deka meri utai nya ngagai kita.
Diatu baru kami nemu Nuan nemu semua utai, lalu Nuan enda begunaka orang betanyaka utai ngagai Nuan. Ari nya kami arapka Nuan amat datai ari Allah Taala.”
Maya deka datai, lalu endang udah datai diatu, alai semua kita deka pambar, lalu genap iku kita deka pulai ngagai rumah diri empu, lalu ninggalka Aku keDiri. Tang Aku ukai keDiri, laban Apai bisi enggau Aku.