Ono gumba mi agi apai fu roni re, ya ho ragoho ka da ni, oni ki tingidi he ya mi agumba ha fu roni. “Agi apai re, mi agumba nga ha fu roni mbata te bambiko ani adu na oni.
Pai te rengo mi agumba fu roni; ndu mi ngba fu roni: bambiko ka mi andu nga ya, Mounda ye nga kono du oni ni te; ka mi ndu mi kedi ko akeda kono du oni ni.
Ho ko ka ye ni, nga gu Toro nga irarengo, ko angbe fu roni mbata yo sa rengo dunduko; bambiko ko agúmba nga pai ni tiko te; kina agu apai ko ka gia, kina ha ko ka gumba. Ko ayúgo agu apai fu roni nikaye.
Gu gako abawiriki Ki nimo ka ya dagba yo, “Gini pai nga gi ko agumba fu rani re ya, ‘Mi naima ngbutuko, ka oni abi nga re ya; mi aima ngbutuko berewe, oni ki bi re;’ na, ‘bambiko mi nandu koyo du Buba ni’?”
Yesu aini aina ya i nakpi nyemu ka sana ko, ko ki ya fu yo, “Oni nasana he asana dagba roni tipa gi pai gumba mi re ya, ‘Mi naima ngbutuko, ka oni abi nga re ya, mi aima ngbutuko berewe, oni ki bi re’?
Mi nagumba ha fu roni, ni rengo, ni rengo, oni akpára akpara ni aume ki nikpari ku ari, ono rago angba angba ti aboro zegino. Nunga amánga roni amanga, ono gaoni nunga asá tihe ni ngbarago.
Ho gude nizuba de ni nunga namanga ri amanga, bambiko ragori da; ono ho ri nivungu gude ni, ri natingida nga pa bakere ima berewe te, bambiko rago nangba angba ti ri ya ri vungu boro ku zegino.
Ni gu rago re oni asána nga re tipa he wa sa te. Mi nagumba ha fu roni, ni rengo, ni rengo, gu he oni ka nikpari pa ha fu Buba, ko afu he afu fu roni ni rimore.