Sarakalasebagaw kuntigiw ani * Fariziɲɛw ye Alabatosoba kɔlɔsibaga dɔw ni sɔlidasi dɔw ci. Zuda bilara u ɲa ka taga, fitinɛ ni kala mananinw ani kɛlɛkɛminanw tun b'u fɛ.
Simɔn Piyɛri ni kalanden wɛrɛ tun tugura Yezu kɔ. Sarakalasebagaw kuntigiba tun be o kalanden nin lɔn, ale ni Yezu donna sarakalasebagaw kuntigiba ka luu kɔnɔ.
Yezu y'a jaabi ko: «Ne kumana mɔgɔw fɛ kɛnɛ kan, ne ye mɔgɔw kalan kalansow kɔnɔ ani Alabatosoba kɔnɔ, zuwifu bɛɛ be ɲɔgɔn lajɛn yɔrɔ minw na, ne ma foyi fɔ dogo la.
Piyɛri tun ye sarakalasebagaw kuntigiba ka baaraden min tulo kelen caron Yezu minɛtuma na, ale balimacɛ dɔ y'a fɔ Piyɛri ye ko: «Ne m'i ye nankɔ kɔnɔ ni Yezu ye wa?»
O kɔ, u bɔra ni Yezu ye Kayifu fɛ ka taga n'a ye, lasigiden ka luu kɔnɔ. O y'a sɔrɔ dugu tun gwɛra. U yɛrɛ ma sɔn ka don luu kɔnɔ, janko u kana u yɛrɛ nɔgɔ ka kɛɲɛ ni landa ye, u ka se ka * Hɔrɔnya ɲanagwɛ dumuni dumu.
O la, Pilati y'a fɔ u ye ko u k'a minɛ ka taga n'a ye k'a kiti u yɛrɛ ma ka kɛɲɛ ni zuwifuw ka sariya ye. U ye Pilati jaabi ko sira ma di u ma ka mɔgɔ faga.
Yezu y'a jaabi ko: «Ne ka masaya te diɲɛ nin ta ye. Ni ne ka masaya tun ye diɲɛ ta ye, ne kɔmɔgɔw tun bena kɛlɛ kɛ ne kosɔn, janko zuwifuw kana ne minɛ, nga ne ka masaya te diɲɛ nin ta ye.»
Pilati y'a fɔ a ye ko: «E ye masa ye kɛ?» Yezu y'a jaabi ko: «Ele lo b'a fɔra ko ne ye masa ye. Ne wolola o le kama. Kana diɲɛ na janko ka tiɲɛ fɔ. Mɔgɔ o mɔgɔ, min lɔnin be tiɲɛ kan, o tigi be mɛnni kɛ ne fɛ.»
Pilati y'a fɔ a ye ko: «Mun le ye tiɲɛ ye?» Pilati y'o kuma fɔ ka ban tuma min na, a kɔsegira ka bɔ zuwifuw fɛ, k'a fɔ u ye ko: «Ne ma jalakiyɔrɔ ye cɛɛ nin na.