Loko Yesu avulile marito lawa, ahuma ni vajondzisiwa va yena, apelela xinkovanini xa xinambzana xa Kedroni. Akuli ni ntanga kolaho, kutani ayanghena kona ni vajondzisiwa va yena.
Simoni Petrosi ni mujondzisiwa mun'we valandza Yesu; mujondzisiwa wakona aativiwa hi Muprista lwenkulu, kutani anghena hubzeni ya yindlo ya Muprista lwenkulu na Yesu.
Svikarawa ni valaveleli avatshivelile ndzilo wa makhala, hikuva akuli ni xirhami; kutani avali karhi vaworha ndzilo; na yena Petrosi aayimile na vona, aworha ndzilo.
Loko Yesu avulile svosvo, mun'wana wa valaveleli lweyi aayimile kolaho, aba Yesu hi mpama, aku: “Xana hi rona hlamulele ra wena ka Muprista lwenkulu ke?”
Kutani vasuka na Yesu ka Kayafasi, vamuyisa ndlwini ya vuhosi. Akahali mpundzu svinene; vona hi voxe avanghenanga ndlwini ya vuhosi, kuyendlela lesvaku vangatinyamisi, vatakota kuja nkhuvu wa Paska.
Yesu ahlamula, aku: “Mfumu wa mina ahi wa misava leyi; loko awuli wa misava leyi, malandza ya mina amatalwa lesvaku ninganyiketiwi ka Vayuda; kambe hilaha svinga hakona, mfumu wa mina ahi wa laha misaveni.”
Pilato aku ka yena: “Hikolaho, u hosi, ahi svona ke?” Yesu ahlamula, aku: “Kuvula wena lesvaku ni Hosi. Lesvi nipsaleliweleke svona ni lesvi ningatela svona laha misaveni, i kuta nitaveka vumboni henhla ka ntiyiso. Mani na mani lweyi anga wa ntiyiso, ayingisa rito ra mina.”