Ho Yesu agumba agi apai ni re, ko ki ndu na gako abawiriki ku mbiti wiri di yo nga Kidirona, yo ati adu ni, ko ki ndu ku rogo yo, ni tiko na gako abawiriki.
Simona Petero ki nipe Yesu, kura bawiriki ki mangi a wo. Were gu bawiriki re gbiamotumo aini ko, i ki rimi na Yesu ku tii gu mbaraza nga ga gbiamotumo.
Ono Petero aru kina pangbadimo zegi. Si du kura bawiriki akuru ti ni, nga gu ko gbiamotumo aini ko, ki gumba pai fu gu de nanidu pangbadimo, ki rimisi Petero.
Yesu ki karaga ha fu ko ki ya, “Mi gumba ha agumba gbayaga fu aboro zegino; mi ayugu pai waragoagira rogo bambutiria, na yekaru yo, ho aYudo nidungura tiyo ku ho ni dunduko; mi agumba nga pai ni gbuko wa sa te.
I ki nimo ka ngbe ku mbata yo fu Yesu yo du Kayafa ni ku bambu bazogo yo. Ngbatutu nadu. I arima nga ni tiyo ku tii bambu bazogo yo te, i ka biriko, ya i ri pumbo susiri.
Yesu ki karaga ha ki ya, “Gi ngbi aenga nga rogo gi zegino te re; ka gi ngbi aenge rogo gi zegino re, ka gimi amoyambu naso vura tie, i ka fu re fu aYudo; were gi ngbi aenga nga etere.”
Pirato ki nimo ka ya fu ko, “Bakindo nga mo ake?” Yesu ki karaga ha ki ya, “A si mo agumba re ya bakindo nga mi. Gi pai i avungu re sa ni re, gi pai mi aye sa ni re ku zegino, nga ka du ni dezire rengo. Agu yo nga ga rengo yo i nagia fugore.”
Pirato ki ya fu ko, “Gine nga rengo?” Ho Pirato agumba gi ni re, ko ki kuru ku zegi yo du aYudo ni berewe, ki ya fu yo, “Mi abi nga irairapai ti ko wa sa te.