जब प्रधान याजक ल अर मन्दिर का रखवला ल यीशु तैं देखि त चिल्लै कै बोलि, “वे तैं सूली पर चड़ौ सूली पर” पिलातुस न ऊं लुखुं मा बोलि “तुम ही वे तैं सूली पर चड़ा किलैकि मि त वे पर कुई भंगार नि पांणु छौं।”
पिलातुस ल यीशु बट्टी बोलि “मि मा किलै नि बुल्णी छै? क्य तु नि जंणदी कि त्वे तैं छोड़णो कु अधिकार मि मा च अर त्वे तैं सूली पर चड़ाणो कु भि अधिकार मि तैं च।”
यूं बातें तैं सूंणि कै पिलातुस यीशु तैं भैर लै, अर उ न्याय आसण पर बैठी, जु की ढुंगों कु एक चौंरि छै जैकु इब्रानी भाषा मा गब्बता बुल्दा छा वे जगह पर छों।
पर उ चिलांण लगि गैनी “वे तैं मर डाला, वे तैं मर डाला!” वे तैं सूली पर चढ़ावा! पिलातुस ल ऊंमा बोलि, “क्य मि तुमारा राजा तैं सूली पर चढ़णै” प्रधान याजक ल जवाब दींनि, “कैसर तैं छोड़ी कै हमारो अर कुई राजा नि च।”
इलै सिपैयूं ल एक दुसरा बट्टी बोलि, “हम यु तैं नि फडुला पर इलै चिठ्ठी डाली की यु कैकु होलो” यु इलै हवे कि परमेश्वर का वचन मा लिखै गै छो उ सच हो, ऊंल मेरा कपड़ा आपस मा बांटि दींनि अर मेरा कपड़ा पर चिठ्ठी डाली तब सिपैयूं ल इन ही कैरी।
उ यहूदियों कु तैयारी कु दिन छो, अर हैंका दिन यहूदियों को विश्राम कु दिन छो जु परमेश्वर कु पवित्र दिन छो अर त्यौहार द्वी ही छा यु यहूदी लुखुं कु एक विशेष दिन च अर उन ही चांदा छा की यु दिन कु शव तैं सूली पर नि रो इलै ऊंल पिलातुस बट्टी बोलि, कि ऊं मनिख का टंगड़ा तुड़वै द्या कि ऊं जल्दी मोरि जौं अर शव तैं भुयां उतारे जै सका।
यूं बातों का हूंण का बाद अरिमतियाह गौं का यूसुफ ल जु यीशु को चेला छो पर यहूदियों का अगुवों का डर से यूं बातें तैं छिपै के रखि, पिलातुस बट्टी बिनती कैरी, कि मि यीशु का शव तैं लै जौं, पिलातुस ल वेकी बिनती सूंणि, अर उ ऐ के ऊंका शव ली गै।