Hmeichhia chuan, “Nang Juda mi i ni a, kei Samari hmeichhia ka ni a, engtiziaa in tûr mi dîl nge maw i nih le?” a ti a (Juda-te leh Samari miten eng mah an inhman ṭâwm ngai lo va).
Isuan a chhâng a, “Pathian thilpêk leh i hnêna, ‘In tûr mi pe rawh,’ titu hi hria ni la chuan, a hnênah i dîl zâwk ang a, ani chuan tui nung a pe tûr che a ni,” a ti a.
Kan pu Jakoba aiin i ropui zâwk em ni? Ani chuan he tuichhunchhuah hi min pe a, amah leh a fate leh a ran rualte pawhin heta mi hi an in ṭhîn,” a ti a.
tu pawh an hnêna ka pêk tûr tui in erawh chu an tuihâl leh tawh lo vang. An hnêna ka pêk tûr chu, an kawchhûngah tuihnaah a lo chang ang a, chatuan thlengin a kang lo vang,” a ti a.
Min thlahtute chuan he tlângah hian Pathian chibai an bûk ṭhîn a, nangni erawh chuan, ‘Miten Jerusalem-ah ngei Pathian chibai an bûk tûr a ni,’ in ti a,” a ti a.
Nimahsela, a hun a thleng dâwn, tûnah pawh a thleng tawh mêk, Pathian chibai bûktu tak takten thlarau leh thutakin Pa chibai an bûk tawh ang. Chutiang mi chu Pain amah chibai bûk tûrin a zawng a ni.
Chumi lai chuan zirtîrte chu an lo thleng tawh a, hmeichhia a bia an rawn hmuh chuan mak an ti hle a. Nimahsela, tu mahin, “Eng nge i duh?” emaw, “Engah nge hmeichhia i biak?” emaw an ti lo.
‘Thla li-ah buh seng a hun ang,’ in ti ṭhîn a ni lâwm ni? Dâk chhuak ula, lote en vêl rawh u, buhte chu seng mai theihin a êng tawh tih ka hrilh che u hi.
Tin, hmeichhe hnênah chuan, “Tûnah zawng i thu sawi avânga ring kan ni ta lo, keimahni ngeiin a thu sawi kan hria a, he mi hi khawvêl chhandamtu a ni ngei tih kan hre ta,” an ti a.
Galili ram a va thlen erawh chuan, Galili mite chuan an lo lâwm hle a; Jerusalem-a Kalhlên Kût chhimin an han kal a, kût laia a thiltih engkim an han hmuh avângin.
Chu mi chuan Isua, Judai ram aṭangin Galili ramah a lo kal tih a hriatin a hnênah a han kal a, a fapa thi lek lek tidam tûrin Kapernaum-a chhukah a sâwm a.