Sewaktu ie pade bekumpul bareng-bareng kance Deside Isa, ie pade metakén léq Deside Isa, “Junjungan Saq Mulie, napi mangkin Pelungguh gen piaq malik kerajaan umaq Israel?”
Laguq side pade gen nerimaq kuase, sewaktu Roh Suci sampun rauh tipaq side. Dait side pade gen jari saksi-saksi Tiang léq Yerusalem, léq selapuq wilayah Yudea, léq Samaria, dait jangke dateng poton gumi.”
dait bebase tipaq ie pade, “Hai, dengan-dengan Galilea, kembéq side pade nganjeng doang léq derike serioq andang langit? Deside Isa, saq side pade serioq kerangkatan ojok sorge léq julu side pade, gen tulak malik siq care maraq nike éndah pade maraq saq side pade serioq.”
selapuqne tetep sopoq angen bekumpul jari bedo'e. Ie pade bedo'e bareng kance dengan-dengan nine lantong Mariam mamiq bini Deside Isa, dait bareng kance sanak-sanak Deside Isa.
“Semeton-semeton! Napi saq tetulis léq dalem Kitab Suci, nike harus telaksane. Laéq langan Daud, Roh Suci sampun benubuat mengenai Yudas, pemimpin dengan-dengan saq bau Deside Isa nike.
Keranaq nike, harus araq sopoq dengan saq milu kance ite jari saksi bahwe Junjungan Saq Mulie Deside Isa sampun idup malik léman ninggal. Dengan nike harus salaq sopoq léman dengan-dengan saq tetep bareng-bareng kance ite sewaktu ite ngiring Deside Isa ojok embé-embé, léman Yahya mulai baptis dengan jangke waktune Deside Isa teangkat ojok sorge léman tengaq-tengaq ite.”