Ke bona ba a iponaditšego go bona mola a sa tšo tlaišwa, ba ba dihlatse tša gagwe ge a phela, ka ge ba mmone gantši ka matšatši ao a masome a mane, a ba botša tša mmušo wa Modimo,
Lena le tlo fiwa maatla ge Moyamokgethwa o theogela go lena, la tlo ba dihlatse tša ka motseng wa Jerusalema le nageng ka moka ya Juda le ya Samaria, go fihla magomong a lefase.
Bona bao ba bolela ba re: Lena banna ba Galilea! Le emetšeng le lelaletše legodimong? Yena Jesu yo, e a tlošitšwego go lena a išwa legodimong, o tlo boa ka wona mokgwa wo le mmonego a eya legodimong ka wona.
Ba fihla ba namela ngwakong wa godimo, mo ba bego ba dula gona, e le Petro le Jakobo le Johane le Andrea le Filipi le Tomase le Baratholomeo le Mateo morwa wa Alifeo le Simone Tselote le Juda ngwanabo Jakobo.
Banna ba gešo! Go be go swanetše gore mangwalo a phethege; ke ra ao Moyamokgethwa o a boletšego ka molomo wa Dafida a šupa Judase, e a tlilego a ba moetapele wa ba go swara Jesu.
Gobane pukung ya Dipesalome go ngwadilwe gore: Boago bja gagwe a e be lešope, go se be e a dulago gona. Le lengwe la re: Kabelo ya gagwe e newe o šele.
Go tloga ka kolobetšo ya Johane, go fihla tšatšing leo a tlošitšwego go rena a išwa legodimong ka lona. Re nyake wa go tlo ba hlatse le rena ya go re, Morena o tsogile bahung.