जै मा धरती का उ चार खुट्टों का रिंगणवला जानवर अर आसमान का चलखुडा, जौका बारा मा मूसा की व्यवस्था मा लिख्युं च की उ अशुद्ध अर अपवित्र च अर जु यूं यहूदियों तैं खांण से मना करयूं च।
जब पतरस यु दर्शन का बारा मा सुचणु छो कि यांको मतलब क्य होलो, तब कुरनेलियुस का भिज्यां आदिम शमौन का घौर को पता लगै के द्वार का समणी खड़ा हवे के पुछण लगि गै।
तब ऊंल बोलि, “कुरनेलियुस सुबदार, जु धर्मी च अर पिता परमेश्वर बट्टी डरदु च, अर जै की पूरा यहूदी जाति का लोग इज्जत करदींनि, वे तैं एक पवित्र स्वर्गदूत ल यु हुकुम दींनि कि उ तुम तैं अपड़ा घौर बुलै के वचन सुंणौ।”
अर बुल्ण लगि गै, “तुम जंणदा छा कि यहूदियों कु कुई अन्य-जाति का दगड़ी रिश्ता रखण या ऊंका घौर मा जांण मना च यूं हम यहूदी लुखुं का कानून का खिलाफ च, पर पिता परमेश्वर ल मि तैं बतै कि मि कै आदिम तैं अशुद्ध नि बोलु।
तब कुरनेलियुस ल बोलि, “आज बट्टी चार दिन पैली यु ही बगत, जब मि अपड़ा घौर मा दोपहरा मा तीन बजी प्रार्थना कनु छो, तब एक चमकिला कपड़ा पैरयूं आदिम मेरा संमणी ऐ”
इलै कै तैं याफा नगर भेजि के शमौन जै तैं पतरस भि बुल्दींनि, वे तैं इख बुलै ले; उ समुद्र का छाला चमड़ा को काम कन वला शमौन का घौर मा मेहमान च जब उ आलो, त त्वे तैं पिता परमेश्वर की तरपां बट्टी एक सन्देश बतालो।”
“तब मिल त्वे तैं इख बुलै अर अपड़ा इख ऐ के बड़ी कृपा कैरी; अब हम सभि इख पिता परमेश्वर का संमणी छा कि जु बात वेल तुम तैं बतै, हम सभि भि वेका बारा मा जांण सका।”
तुम तैं यु सन्देश पता च, जु पिता परमेश्वर ल हम कु मतलब इस्राएलियों तैं दीं च; वेल शान्ति का बारा मा शुभ सन्देश प्रचार सुणै जु लुखुं तैं यीशु मसीह पर विश्वास कना का द्वारा मिल सकदी च; उ सभि लुखुं कु प्रभु च।
पिता परमेश्वर ल यीशु जु नासरत नगर को छो पवित्र आत्मा अर सामर्थ बट्टी अभिषिक्त कैरी अर उ हर जगह भलै करद अर उ सभियूं तैं जु शैतान का द्वारा परेशान छा, ऊं तैं खूब करदो छो, किलैकि पिता परमेश्वर वे दगड़ी छो।
अर हम प्रेरित लुखुं तैं ऊं सभि कामों का बारा मा बतौंदयां, जु हम ल यीशु तैं यहूदिया अर यरूशलेम शहर मा करदी देखि छा, अर यहूदी अगुवों ल यीशु तैं सूली पर चढै कै मारि दींनि।
सब मनिख्युं ल वे तैं नि देखि पर हम प्रेरितों ल गवाहों का रूप मा जु तैं पिता परमेश्वर ल पैली चुणि लियेले छो। अर मुर्दों मा बट्टी ज्यून्दा हूंणा का बाद हम ल वे दगड़ी खै-पये।
यांका बाद पतरस ल ऊं तैं जु लोग कुरनेलियुस का घौर मा कठ्ठा छा। पांणी ल अर मसीह यीशु का नौं मा बपतिस्मा लींणु कु बोलि। अर ऊंल पतरस बट्टी बिनती कैरी कि उ थोड़ा दिनों तक उ दगड़ी रौ, अर ऊंल इन ही कैरी।