Yandi talaka yandi ngolo ye vandaka na boma, ye tubaka: Mambu nki, Mfumu? Yandi tubaka kwa yandi: Lombilu ya nge ye matabisi ya nge ya nkenda imene kwenda nantwala na Nzambi, sambu kubambuka nge.
Bu wanjo ya tubaka kwa yandi imene kwenda, Konelio bingaka basielo zole ya yandi ye soldat mosi ya vumina Nzambi, mosi ya bau ya sadilaka yandi ntangu yonso.
Bu Petelo kubanzaka mingi mu ntima ya yandi, kana monameso ya yandi monaka ikele mpila nki, tala, bantu ya Konelio fidisaka, telemaka na mwelo, kadi bau imene kuyuvula nzila ya nzo ya Simoni.
Bau tubaka: Konelio, nkuluntu ya basoldat, muntu ya lunungu ya vumina Nzambi, ye kikanda yonso ya baYuda ikele kupesa yandi kitemo ya mbote, wanjo ya nlongo tubaka na yandi fidisa kubinga nge ku nzo ya yandi, ye kuwa mambu ya nge.
Mpilayai yandi tubaka na bau kota ye yandi pesaka bau sika ya kulala. Na kilumbu ya landa, yandi telemaka ye kwendaka na bau, bampangi yankaka ya Yope kwendaka na yandi mpe.
Yandi tubaka kwa bau: Beno kibeni zaba nsiku buya muntu ya Yuda kuvanda ve sikamosi keti kota mu nzo ya muntu ya kikanda yankaka, kansi Nzambi imene kusonga mono, na mono tabinga muntu mosi sumuka keti mvindu ve.
Konelio tubaka: Bilumbu iya imene kuluta, lokula yai mono vandaka kulomba mu nzo ya mono mu lokula uvwa, tala, muntu telemaka nantwala na mono mu mvwatu ya kenzima,
Sambu na yai, fidisa ku Yope ye binga Simoni ya bingwa Petelo; yandi ikele kuvanda mu nzo ya Simoni muyidiki ya mukanda ya bambizi, ikele mfinama kuna mbu.
Nswalu mono fidisaka kwa nge, ye nge imene kusala mbote sambu na nge imene kwiza. Sambu na yai beto yonso ikele awa na luse ya Nzambi na mambu yonso ya Mfumu sikidikisaka nge.
Ikele Yesu ya Nazaleti, ya Nzambi sitaka na Mpeve Yanlongo ye na ngolo, yandi zietaka ye salaka mbote ye belulaka bau yonso ya moniswa mpasi ya diable, kadi Nzambi vandaka na yandi.
Kwa bantu yonso ve, kansi kwa bantemo ya Nzambi solaka ntete; ikele beto ya kudiaka ye kunwaka sikamosi na yandi bu yandi imene kufulukiswa tuka bafwa.