Kɔlnɑi nbɑ din got lɑ mɑlɑkɑ mɑnŋ nɑ, k jɑŋmɑɑni suol’ɔ, k u yet ɑ: «N Yonmdɑɑnɔ, bee?» K mɑlɑkɑ mɑnŋ jiin ɑ: «Yennu gɑɑl ɑ miɑlu wɑɑ, k biɑ gɑɑl ɑ ninkpɑbɑɔnŋ tuonɑ nbɑ k ɑ tuun k tien tɑlɑs-dɑnm, k biɑ tiɑn ɑ po.
Mɑlɑkɑ mɑnŋ nbɑ din pɑk nɑn’ɔ nɑ ji din yɑɑt, k Kɔlnɑi ji yiin u ŋɑɑtuontunnɑ bɑnle nɑn sejesuɑ nnɑ, wun nbɑ din tie Yenjiɑnt-tuɑ, k tie u kpɑɑkyenɔ nɑ.
K b jiin ɑ: «Cɑnbɑɑ Kɔlnɑi e tun’t. U tie sejenm yudɑɑnɔ e, k u tie nibulcimɔ e biɑk, k jiɑntl Yennu k Suifnbɑ kul tien’ɔ nibɑɑkl. Tɔn, Yennu mɑlɑkɑ won bɑɑl yet’ɔ ɑ wun yiin’ɑ k ɑ bɑɑl u ŋɑɑk ni, k wun tɑn gbɑt lin nbɑ k ɑ sɑɑ pɑk k tul’ɔ.»
K Piɑl fɑn yiin jɑb nɑ k kuɑn’m, ɑ bii be k sɑn-nyiɑɔk n yent ɑ. K l tɑn yent k u tien siil, k b sɑɑ, k Yiesuweilɑ nbɑ din be Sope nɑ, k b siɑb ciɑn’ɔ.
K u yet’b ɑ: «I mɔnŋ mɔnŋ mun mi nɑn tinm Suifnbɑ sennu k cɑb’t nɑn tin sɑɑn gɔn bin nbɑ k tie Suifnbɑ, ɑmi k tɑɑn nɑn’m, ŋɑɑn Yennu wɑnn’n ɑ n dɑɑ yien nisuɑ, wɑɑ k tie Suif nɑ pɑɑk.
K Kɔlnɑi yet’ɔ ɑ: «L dɑɑn tie nnɑ yuo e dinnɑ dɑɑl, k n dɑɑn mei Yennu n ŋɑɑk ni kut muntɑ yuo yenlekl. L yuo nɑ k n lɑ k nisuɑ nnɑ sie k liɑ liɑtfuouk nbɑ nyili n tuɑnn po,
L pɑɑk, tumn suɑ Sope, k wun sɑɑ yiin wun nbɑ k b yi’u Siimɔn, k u sɑnn biɑ tie Piɑl nɑ. U tie sɑɑmɔ e, k be gbɑnfebltuɑ Siimɔn ŋɑɑk nbɑ kpiɑ nɑn mɔkgbenŋl nɑ.›
K l pɑɑk e, k n dɑɑn tun ɑ po yiɑn ɑ nɑ, k ɑ mun tien bonŋɑnn k bɑɑl nɑ. Mɔtɑɑnɑ, t kul ɑ be Yennu tuɑnn, k ji guu ɑ t gbɑt lin nbɑ kul k Yonmdɑɑnɔ tul’ɑ mɔb ɑ ɑ pɑk tul’t nɑ.»
I mi nɑn Yennu din tul Islɑɑeltieb u mɑɑn nbɑ wɑnt lɑbɑmɑnn nɑ po, ɑ Yiesu *Klistu ni e k tinm nɑn Yennu mɑnŋ nɑn lieb. Ŋuɑ Yiesu Klistu e tie t kul Yonmdɑɑnɔ.
I mi biɑnŋ nbɑ k Yennu din tul Yiesu, Nɑɑsɑɑlet nilɔ nɑ, Foŋɑnm nɑn yiikuo nɑ. I biɑ mi biɑnŋ nbɑ k u din lin k tuun tuonŋɑnɑ, k biɑ te k bin nbɑ kul be pol yiikuo k yiɑl nɑ lɑ pɑɑku, k mɑɑn Yennu be nɑn’ɔ.
Ŋɑɑn niib kul kɑɑ wɑɑ din lɑɑt’ɔ. L din tie tinm nbɑ k Yennu ponŋ din lukt’t ɑ tii tie u siɑlɑɑdɑnm nɑ e din lɑɑt’ɔ, k biɑ din tuu di k nyu nɑn’ɔ u kuun fiilu puolpo mɑnŋ.
K Yiesuweilɑ nbɑ tie Suifnbɑ k nyii Sope k ciɑn Piɑl nɑ, k l tien’m bɑktnɔunŋ nɑn Yennu nbɑ jii u piini nbɑ tie u Foŋɑnm, k tul bin nbɑ k tie Suifnbɑ mun nɑ,