Đo mɛ e ɖi nǔ nú Jezu lɛ́ɛ sín agun e ɖo Antyɔ́ci ɔ́ mɛ ɔ́, è nɔ mɔ gbeyíɖɔ Mawu tɔn lɛ́ɛ, kpódó nǔkplɔ́nmɛtɔ́ lɛ́ɛ kpó: Baanabási, Simɛ́nyɔ́ɔ e è nɔ ylɔ́ ɖɔ Mɛwi é, Lusiwúsi Silenɛ́ɛnu ɔ́, Manayɛnu e Elódu tokpɔngán ɔ́ sín mɛ lɛ́ɛ hɛn, bɔ é kpó é kpó nɔ kpɔ́ bó su é, kpódó Sólu kpán.
Gbe ɖokpó ka wá su bɔ yě ɖo Aklúnɔ sɛn wɛ, bó ɖo nu blá wɛ, bɔ Yɛsinsɛn ɖɔ nú yě ɖɔ: “Mi ɖe Baanabási kpódó Sólu kpán ɖó vo nú mì, nú yě ná yi wa azɔ̌ e wú un ylɔ́ yě é.”
Báa-Jezu énɛ́ ka ɖo tokpɔngán e kpa acɛ nú tɔtɛ́ntinto ɔ́ gɔ́n; è nɔ ylɔ́ tokpɔngán ɔ́ ɖɔ Sɛjiwusi Polúsi, bɔ é nyí gbɛtɔ́ nǔnywɛ́tɔ́. Tokpɔngán ɔ́ ka jló ná se Mawuxó, bó zɔ́n ɖɔ è nǐ ylɔ́ Baanabási kpódó Sólu kpó wá nú émí;
lo ɔ́, Elimasi e è nɔ ylɔ́ ɖɔ majíkiblótɔ́ ɔ́, (mɔ̌ wɛ è nɔ ylɔ́ ɛ ɖɔ dó Glɛ̌sigbe mɛ) ka ná tɛn tɔn yě ǎ, é ɖo biba ná ɖe ayi tokpɔngán ɔ́ tɔn sín nǔɖiɖi ɖó nú Jezu Klísu xó e ɖɔ n'i wɛ è ɖe ɔ́ wú wɛ.
bó ɖɔ: “Ayi hízíhízí, ayidídánɔ wɛ nú we; awǒvi sín vǐ wɛ a nyǐ, bó nyí nǔ ɖagbe lɛ́ɛ sín kɛntɔ́; káká yi jɛ hwetɛ́nu a ka ná gɔn avaja dó tito Aklúnɔ tɔn lɛ́ɛ mɛ dó?
Din ɔ́, ɖǒtó! Aklúnɔ ná dɔn tó nú we; a nǎ va nukún, bó ná gɔn hwesivɔ́ mɔ káká yi jɛ hwe ɖé nu.” Tlóló tɛn tɔn mɛ ɔ́, Elimasi va nukún, bó jɛ avi dlá jí, lobo ɖo mɛ e ná kplá ɛ ɔ́ ba wɛ.
Pɔ́lu kpódó hǎgbɛ́ tɔn lɛ́ɛ kpán ka wá dó tɔjíhún sín Pafɔ́si, bó yi jɛ Pɛɛjée ɖo Panfilíi gbé jí. Jǎan-Maki ka jó yě dó ɖo fínɛ́, bó lɛ́ kɔ yi Jeluzalɛ́mu.
Hwenu e yě xa sɛ́n ɔ́, bó xa gbeyíɖɔ Mawu tɔn lɛ́ɛ sín wěma gúdo ɔ́, kplɔ́ngbaságán lɛ́ɛ ɖɔ sɛ́ dó yě ɖɔ: “Nɔví mǐtɔn lɛ́ɛ mi, ényí mi ɖó xó ɖé, bó ná ɖɔ nú togun ɔ́, bó dó ná ɛ akɔ́nkpinkpan hǔn, mi ɖɔ.”
Hwenu e Jǎan ka wá ɖo azɔ̌ tɔn ná wa fó wɛ ɔ́, é nɔ ɖɔ jí: ‘Mɛ̌ un ka nyí bɔ mi vɛdó? Nyɛ wɛ nyí mɛ e nɔ te kpɔ́n wɛ mi ɖe ɔ́ ǎ; lo ɔ́, mɛ énɛ́ kpo ɖo gǔdo jǎwe, bɔ un nyí mɛɖé bó sixú ɖe afɔkpa sín afɔ n'i vɔ́vɔ́ ǎ.’
“Nɔví ce lɛ́ɛ mi, mi mɛ e jɔ ɖo Ablaxámu kúnkan mɛ lɛ́ɛ, kpódó mi mɛ e nɔ sí Mawu lɛ́ɛ kpán e mi; mi wɛ Mawu dó Wɛn Ɖagbe élɔ́ e nɔ hwlɛ́n mɛ gán ɔ́ sɛ́ dó.
Đó Jeluzalɛ́munu lɛ́ɛ kpódó gǎn yětɔn lɛ́ɛ kpó tunwun mɛ e Jezu nyí ɔ́ ǎ; yě ka mɔ nukúnnú jɛ gbeyíɖɔ Mawu tɔn lɛ́ɛ sín nǔ e è nɔ xa nú yě gbɔjɛzán gbe tɛgbɛ ɔ́ wú ǎ; lo ɔ́, kúhwɛ e yě ɖǒ nú Jezu ɔ́, nǔ e è nɔ xa nú yě ɔ́ wɛ jɛ.
é ɖe akpá énɛ́ ɔ́ nú mǐ vǐ yětɔn lɛ́ɛ hwenu e é fɔ́n Jezu sín kú lě e è ko wlán gbɔn ɖo Ɖɛhanwéma ɔ́ mɛ, ɖo ta tɔn wegɔ́ ɔ́ mɛ gbɔn ɔ́ ɖɔ jí: ‘Hwi wɛ nyí Vǐ ce; bɛ́ sín égbé ɔ́, un nyí Tɔ́ towe.’
Mawu ko ɖɔ ɖ'ayǐ ɖɔ émí ná fɔ́n ɛ sín kú, bónú é ma nyɔ ó. Nǔ énɛ́ ɔ́ ɖɔ gbɔn xó élɔ́ mɛ wɛ é ɖe, bó ɖɔ: ‘Un ná ná mi nyɔ̌ná mímɛ́; nyɔ̌ná gǎnjɛwú e sín akpá un dó nú Davídi é.’
Pɔ́lu kpódó Baanabási kpó ka ɖɔ xó kpódó jiɖiɖe kpó ɖɔ: “Midɛɛ lɛ́ɛ wɛ è ɖǒ ná ɖɔ Mawuxó ná hwɛ̌; ée mi ka gbɛ́, bó mɔ ɖɔ émí kún jɛ xá gbɛ mavɔ mavɔ ɔ́ ó ɔ́, din ɔ́, mǐ ná gbɔ bó yi mɛ e má nyí Jwifu ǎ lɛ́ɛ gɔ́n.
Đó lě e Aklúnɔ zɔ́n mǐ gbɔn é ɖíe: ‘Un sɔ́ we nú a nǎ nyí wěziza nú akɔta ɖě lɛ́ɛ, nú a nǎ jlá Wɛn Ɖagbe hwlɛngán tɔn ɔ́ káká yi fí e gbɛ ɔ́ kponu ɖó é.’ ”
Lo ɔ́, Jwifu lɛ́ɛ kplɔ́n nǔ nyɔ̌nu nukúnɖéjí e nɔ ɖó sísí nú Mawu lɛ́ɛ kpódó mɛjɔmɛ to ɔ́ tɔn lɛ́ɛ kpó, bɔ yě fɔ́n gǔ dó Pɔ́lu kpódó Baanabási kpó jí, bó nya yě sín to yětɔn mɛ.