|
| 1 |
|
| تُواْ، عَ إِيكُواْنِيَ، بُلُسْ دَ بَرْنَبَ سُكَ شِغَ مَجَمِعَرْ يَهُودَاوَا كَمَرْ يَدَّ سُنْ سَابَا؞ سُكَيِ وَعَظِ، حَرْ مُتَنٜىٰ مَاسُيَوَ، يَهُودَاوَا دَ وَطَنْدَ بَا يَهُودَاوَا بَ، سُكَ بَادَ غَسْكِيَ؞ |
|
| 2 |
|
| عَمَّا يَهُودَاوَنْ دَ سُكَڧِ غَسْكَتَاوَا، سُكَ ذُغَ وَطَنْدَ بَا يَهُودَاوَا بَ، سُكَ ٻَاتَ ڟَكَانِنْسُ دَ یَنْعُوَ مَاسُبِے؞ |
|
| 3 |
|
| سَيْ بُلُسْ دَ بَرْنَبَ سُكَ دَطٜىٰ أَنَنْ سُواْسَيْ، سُنَ وَعَظِ بَابُ ڟُواْرُواْ بِسَغَ إِيكُوانْ عُبَنْغِجِ ؞ عُبَنْغِجِ كُوَ يَيِ شَيْدَرْ كَلْمَرْ أَلْحٜىٰرِنْسَ تَوُرِنْ بَادَ إِيكُواْ عَيِ عَلَمُ دَ أَيُّكَنْ بَنْ مَامَاكِ تَهَنُّنْسُ؞ |
|
| 4 |
|
| عَمَّا مُتَنٜىٰنْ غَرِنْ سُكَ رَبُ كَشِ بِيُ، وَطَنْسُ سُنَ غُواْيُوانْ بَايَنْ يَهُودَاوَا، وَطَنْسُ كُمَ سُنَ غُواْيُوانْ بَايَنْ مَنْذَنِّےنْ؞ |
|
| 5 |
|
| سَيْ يَهُودَاوَا دَ وَطَنْدَ بَا يَهُودَاوَا بَ، تَرٜىٰدَ شُوغَبَنِّنْسُ سُكَيِ شِرِ دُواْمِنْ سُوُلَڧَنْتَ مَنْذَنِّےنْ، سُجٜىٰجّٜىٰڢٜىٰسُ دَ دُوَڟُو؞ |
|
| 6 |
|
| دَ مَنْذَنِّےنْ سُكَجِ حَكَ، سَيْ سُكَ غُدُ ذُوَا بِرَنٜىٰنْ لِكُواْنِيَ، وَتُواْ لِسْتِرَ دَ دَرْبٜىٰ دَ كُمَ كٜىٰوَيٜىٰنْسُ؞ |
|
| 7 |
|
| أَوُرِنْ سُكَ ثِيغَبَدَ وَعَظِنْ لَابَرِ مَيْ دَاطِے؞ |
|
| 8 |
|
| أَ لِسْتِرَ كُوَ أَݣَويْ وَنِ مُتُمْ وَنْدَ شِ غُرْغُ نٜىٰ، بَيْتَٻَيِنْ تَڢِيَ بَ تُنْدَ عَكَ حَيْڢٜىٰشِ؞ يَنَ ظَوْنٜىٰ، |
|
| 9 |
|
| يَنَ سَوْرَرُوانْ وَعَظِنْ بُلُسْ؞ سَيْ بُلُسْ يَظُبَ مَسَ عِدُواْ؞ دَ بُلُسْ يَغَ مُتُمِنْ يَنَدَ بَنْغَسْكِيَرْ دَ ذَاعَ وَرْكَرْ دَشِ، |
|
| 10 |
|
| سَيْ يَطَغَ مُرْيَ دَ ڧَرْڢِے يَثٜىٰ «تَاشِ كَڟَيَ كَنْ ڧَڢَاڢُنْكَ؞» مُتُمِنْ كُوَ يَتَاشِ يَڢَارَ تَڢِيَ؞ |
|
| 11 |
|
| دَ تَارُوانْ سُكَغَ أَبِنْدَ بُلُسْ يَيِ، سُكَ طَغَ مُرْيَ غَبَاطَيَ سُنَ ثٜىٰوَ دَ يَرٜىٰنْ لِكُواْنِيَ «لَلَّيْ، أَلُّواْلِ سُنْ سَوْكُواْ مَنَ دَ صِڢَّرْ مُتَنٜىٰ!» |
|
| 12 |
|
| سَيْ سُكَ بَا بَرْنَبَ سُنَ ظٜىٰيُسْ، بُلُسْ كُوَ سُكَثٜىٰ دَشِ هٜىٰرْمٜىٰسْ، دُواْمِنْ شِينٜىٰ شُوغَبَنْ مَغَنَ؞ |
|
| 13 |
|
| سَيْ ڢِرِسْتِ نَڟَاڢِنْ ظٜىٰيُسْ، وَنْدَ طَاكِنْ غُنْكِنْسَ يَكٜىٰ عَبَايَنْ غَرِ، يَكَٰوُاْ شَانُو دَ أَدُوانْ ڢُلَوَ عَڧُواْڢَرْ غَرِ؞ سَرْكِنْ ڟَاڢِنْ دَ جَمَعَ سُنَسُواْ سُيِ وَمَنْظَنِّنْ هَدَايَ؞ |
|
| 14 |
|
| عَمَّا دَ مَنْذَنِّےنَّنْ بَرْنَبَ دَ بُلُسْ سُكَجِ حَكَ، سَيْ سُكَ يَيَّاغٜىٰ رِيغُنَنْسُ دُوانْ ٻَثِنْ رَيْ، سُكَ شِغَ ثِكِنْ تَارُوانْ دَ غُدُ، سُنَ طَغَ مُرْيَ سُنَ ثٜىٰوَ |
|
| 15 |
|
| «دُوانْمٜىٰ كُكٜىٰيِنْ حَكَ؟ أَيْ، مُو مَا مُتَنٜىٰنٜىٰ كَمَرْكُ، مُنْ دَيْ كَٰوُاْ مُكُ لَابَرِ مَيْ دَاطِے نٜىٰ، دُواْمِنْ كُجُويَا وَ أَبُبُوَنْ بَنْظَنَّنْ بَايَ، كُكُمَ جُويُواْ غَ اللَّهْ مَيْ رَيْ، وَنْدَ يَحَلِثِّ سَمَ دَ ڧَسَا دَ تٜىٰكُ دَ كُمَ دُكَنْ أَبِنْدَ يَكٜىٰ ثِكِنْسُ؞ |
|
| 16 |
|
| أَ زَامَانِنْ دَا، يَبَرْ دُكَنْ أَلْعُمَّيْ سُيِ تَڢِيَ أَ هَنْيُواْيِنْ دَ سُكَغَ دَامَ؞ |
|
| 17 |
|
| دُكْدَهَكَ كُوَ بَيْتَٻَ بَرِنْ كَنْسَ بَابُ شَيْدَبَ، سَبُواْدَ يَنَ يِنْ أَلْحٜىٰرِنْ بَاكُ ضُوً سَمَ دَ دَامِنَ مَيْ أَلْبَرْكَ؞ يَنَ ڧُواْسَرْدَكُو دَ عَبِنْثِ أَدَيْدَيْ لُواْكَثِ، يَنَ كُمَسَا كُيِ ڢَضٍ ثِكِ؞» |
|
| 18 |
|
| دُكْ دَ وَطَنَّنْ مَغَنْغَنُ مَا دَݣَرْ سُكَ حَنَ جَمَعَرْ نَنْ سُيِ مُسُ هَدَايَ؞ |
|
| 19 |
|
| عَمَّا وَطَنْسُ يَهُودَاوَا سُكَذُواْ دَغَ أَنْتَكِيَ دَ إِيكُواْنِيَ سُكَ رِنْجَيِ تَارُوانْ، سُكَ جٜىٰجّٜىٰڢِ بُلُسْ، سُكَ جَاشِ ذُوَا بَايَنْ غَرِ، سُنَ ڟَمَّنِ يَمُتُ؞ |
|
| 20 |
|
| عَمَّا دَ مَاسُبِے سُكَ كٜىٰوَيٜىٰشِ، سَيْ يَتَاشِ يَكُواْمَ ثِكِنْ بِرْنِ؞ وَشٜىٰغَرِ كُمَ يَتَڢِے دَرْبٜىٰ تَرٜىٰدَ بَرْنَبَ؞ |
|
| 21 |
|
| بَايَنْدَ بُلُسْ دَ بَرْنَبَ سُكَيِ وَعَظِنْ لَابَرِ مَيْ دَاطِے أَ دَرْبٜىٰ، سُنْ كُمَ سَامِ أَلْمَجِرَيْ دَيَوَ، سُكَ كُواْمَ لِسْتِرَ دَ إِيكُواْنِيَ دَ كُمَ أَنْتَكِيَ تَ بِسِيدِيَ؞ |
|
| 22 |
|
| سُنَ ڧَرْڢَڢَ مَاسُبِے، سُنَيِ مُسُ غَرْغَطِے سُڟَيَ دَ ڧَرْڢِے ثِكِنْ بَنْغَسْكِيَ؞ سُنَ ثٜىٰوَ «سَيْ تَرٜىٰدَ عَذَابَ مَيْ يَوَ ذَامُ شِغَ مُلْكٍ اللَّهْ ؞» |
|
| 23 |
|
| بَايَنْدَ سُكَ كُمَ ذَاٻَا مُسُ دَتَّاوَا عَكُواْوَثٜىٰ جَمَعَرْ مَاسُبِے، تَرٜىٰدَ أَدُّعَ دَ أَظُمِ سُكَ مِيڧَسُ غَ عُبَنْغِجِ وَنْدَ سُكَ غَسْكَتَادَشِ؞ |
|
| 24 |
|
| سَعَنً سُنْبِے تَڧَسَرْ بِسِيدِيَ ذُوَا ڢَمْڢِيلِيَ؞ |
|
| 25 |
|
| دَ كُمَ سُكَ ڢَطَا كَلْمَرْ اللَّهْ أَ ڢٜىٰرْغَ، سَيْ سُكَ تَڢِے أَتَلِيَ؞ |
|
| 26 |
|
| دَغَ نَنْ كُمَ سُكَ شِغَ جِضْغٍ ضُوَ سُكَ كُواْمَ أَنْتَكِيَ، عِنْدَ تُنْدَا عَكَيِ مُسُ أَدُّعَ ثٜىٰوَ أَلْحٜىٰرِنْ اللَّهْ يَكِيَايٜىٰسُ ثِكِنْ عَيْكِنَّنْ يَنْذُ دَ سُكَ غَمَ؞ |
|
| 27 |
|
| دَ سُكَ إِسُواْ، سُكَ تَارَ جَمَعَرْ مَاسُبِے سُكَ بَادَ لَابَرِنْ دُكَنْ أَبِنْدَ اللَّهْ يَيِ تَوُرِنْسُ دَ كُمَ يَدَّ يَبُوطٜىٰ وَ وَطَنْدَ بَا يَهُودَاوَا بَ ڧُواْڢَرْ بَنْغَسْكِيَ؞ |
|
| 28 |
|
| سُنْ طَنْ دَطٜىٰ عَثَنْ تَرٜىٰدَ مَاسُبِے؞ |
|
|
|
|