×

EBIBILIA ENCHENU 2020

OGOKORA KW’ABATOMWA 15

1
Abanto gete batirimbogete korwa Boyahudi bakorokereria abaminto ng’a, “Motarogeti koreng’ana buna Musa atochigete, timokonyara gotooreka.”
2
Amang’ana aya akarenta ogwatananekana okonene, na Paulo na Barnaba bakaamererania nabanto aba. Erio Paulo, na Barnaba, na abande korwa ase egati yabo bagachikwa batiire kogenda Yerusalemu ase abatomwa na abagaaka ase engencho y’okoamererania okwo.
3
Bagatomwa nekanisa, bagaeta egati ya Foiniki na Samaria, bakararia amang’ana ’okoonchoka kw’abanto b’Ebisaku, bakagokia abaminto bonsi.
4
Ekero baigete Yerusalemu bakaroisigwa nekanisa amo nabatomwa na abagaaka, bakaborokia amang’ana onsi aya Nyasae akorete nabarabwo.
5
Korende abande ase Abafarisai, abwo begenete, bagatenena, bagateba, “Negwenerete kobarokia na kobachika babwate amachiko a Musa.”
6
Abatomwa na abagaaka bagasangererekana amo, erinde banyare korengereria igoro ye ring’ana erio.
7
Na nyuma y’okoamererania okonge Petero agatenena akabatebia, “Abaminto, inwe mwamanyire ng’a ase ekero giaetire Nyasae nakorete ogochora egati yaino, ng’a korwa ase omonwa one abanto b’Ebisaku baigwe ring’ana ri’enchili na koriegena.
8
Na Nyasae, oyomanyete chinkoro chi’abanto, akabanchera, akabaa Omoika Omochenu, koreng’ana buna atoete intwe,
9
gose takorete gwatananekana ase egati yaito na barabwo, korende agasibia chinkoro chiabo ase okwegena.
10
Gaki bono, inaki mogoteema Nyasae na kobeka rikorogoto igoro ase amagoti ’aborokigwa, eri chisokoro chiaito chitanyarete koribogoria, nonya nintwe totanyare.
11
Korende twegenire ng’a ase amabera ’Omonene Yeso intwe natotoorigwe, buna barabwo.”
12
Omoganda bwonsi ogakira, ogategerera Barnaba na Paulo, ekero baare koraria amang’ana igoro y’ebikone na amakumia Nyasae akorete goetera asebare ase egati y’abanto b’Ebisaku.
13
Kobakoorire gokwana, Yakobo akairaneria, “Abaminto, ntegerera.
14
Simion otworokirie buna Nyasae ritang’ani acheire abanto b’Ebisaku, erinde achore abanto korwa asebare babogorie erieta riaye.
15
Na amang’ana ’ababani nigo abwataine nayio, buna arikire,
16
“Nyuma ase aya ning’irane, ning’agache naende obomenyo bwa Daudi, boria bwagwete. Ning’agache naende aase agwo atagogete, nimbotenenie,
17
erinde mwanyabanto abatigaire barigie Omonene amo nabanto b’Ebisaku bionsi, aba narangeirie ase erieta riane.
18
Naboigo Omonene agoteba, oyo oorogetie aya korwa kare.
19
Ase engencho eyio nanachire iga, ng’a titochanda abanto baria b’Ebisaku abaonchokeire Nyasae,
20
korende tobarikere rirube ng’a beatanane korwa ase ebinto bitachenegeti bi’emegwekano y’ogosasimwa, na obotomani, na enyama ende yonsi y’eng’iti eng’entire, na korwa ase amanyinga.
21
Naki korwa ebigori bia kare Musa narenge nabanto baare korandia amang’ana aye, na ase kera omochie nigo are gosomwa kera Esabato ase chisinagogi.”
22
Erio akagwenera abatomwa na abagaaka amo nab’ekanisa yonsi gochora abanto korwa ase egati yabo na kobatoma Antiokia amo na Paulo na Barnaba. Bagatoma Yuda ore korokwa Barsaba, na Sila, abatang’ani b’abamwabo,
23
bakabaa baire rirube ririkire iga, “Ase abaminto b’Ebisaku abamore ase Antiokia, na Siiria, na Kilikia. Intwe abamino, abatomwa na abagaaka, twabakwanirie.
24
Twaigure ng’a abanto barure aa asetore ababachandire ase amang’ana abo na koonchorana emioyo yaino, na intwe titwabachigete ng’a bakore bo.
25
Ase ayio, intwe twarorire buya ase omosangererekano oito gochora abanto na kobatoma asemore amo nabanchwa baito Barnaba na Paulo,
26
abanto ababekire obogima bwabo ase engencho y’erieta ri’Omonene oito Yeso Kristo.
27
Ase ayio twatomire Yuda na Sila, abaranyare kobatebia amang’ana ayio ayio ase emenwa yabo.
28
Iga yarorekanete buya ase Omoika Omochenu amo naintwe, titobatweka egurube ende otatiga eyio egwenerete:
29
Mweatanane korwa ase ebinto birure ebing’wanso ase emegwekano y’ogosasimwa, na korwa ase amanyinga, na korwa ase enyama ende yonsi y’eng’iti eng’entire, na korwa ase obotomani. Kamoretange nayio, namokore buya. Motigare buya.”
30
Ekero baria baegwa ribaga, bagatirimboka gochia Antiokia, bagasangereria abanto b’ekanisa y’aroro, bakabaa rirube riria.
31
Na barabwo kobarisomire, bakagoka ase engencho y’okoremigwa okwo.
32
Yuda na Sila, ekiagera nababani barenge, bakaremia emioyo y’abaminto ase amang’ana amange, bakababeka chinguru.
33
Nyuma kobamenyire agwo ase engaki etai nke, bakaegwa ribaga nabaminto bagende nomorembe ase baria babatomete. [
34
Korende Sila akarora buya atigare aroro.]
35
Paulo na Barnaba bakamenya agwo Antiokia amo nabanto bande abange, bakaba bakworokereria na korandia ring’ana ri’Omonene.
36
Nyuma y’amatuko amake Paulo agatebia Barnaba, “Toirane, tochie korora abaminto ase kera omochie twarandirie ring’ana ri’Omonene, gose mbuya bare.”
37
Barnaba agancha koirana Yohana, ore korokwa Mariko, amo nabarabwo.
38
Korende Paulo tarora buya bairane oyio obatigete aaria Pamfulia, na tagendete amo nabarabwo gokora emeremo eria.
39
Erio eriomana rigatuboka ase egati yabo goika bagaatananekana. Barnaba akaira Mariko, akagenda nemeeri gochia Kuporo,
40
korende Paulo agachora Sila. Na ekero baria bamwabo bamobekire ase obuya bw’Omonene, akaimoka akagenda.
41
Agaeta ase Siiria na Kilikia, akabeka chikanisa chinguru.
Gussi Bible 2020
OLD EKEGUSII BIBLE PROTESTANT EDITION Bible Society of Kenya, 2020
:
Save Notes