iniminimi ka akitodiar ebe kitemokina Kristo akicanakin ka ajarun kotoma atwanare ebala ebe, “Yesu lo, lo alimonokini eong' osi kuju keng', nes erait Kristo.”
Kiyunete ice kama kes, kosodete akimorikikin ka Paulo ka Sila; kwape kisomata Igirikin ipu lukemunokiito Akuju nepepe ka aberu nu ing'arenikito nu ipu.
Konye abilakina Iyaudin itawon, kosodete ayar itung'a ice lukarok, kotukokinete itung'a lu ipu, kosodete akinyaluni ka alomikin etogo ka Jason ekotosi alemun Paulo ka Sila king'a alomar kama ejaasi itung'a.
Na mam kesi adumun Paulo ka Sila, kosodete akigwosar Jason nenipe ka ikanacan ka akanacan king'aren ka luka apedor emonyete ebe, “Abutu ne de itung'a lu, lu ejulakisi akwap,
Konye nape kejenunata Iyaudin luko Tesalonika ebe kisiarisiari Paulo akirot ka Akuju ko Berea de, kolosete ng'ina de, kakicukeikin akwap ka itung'a kinyalunosi.
Naarai na elatere eong' kore kus, ka anyun nama ilipata osi, abu eong' kadum altari na igirakite, ‘Nama ka Akuju kana mam Kejenuna.’ Atikere kimam osi kijenete ng'ini ni imaete osi, nesi nes etodiari eong' kipokona kama kus.
kere de mam nesi kijaanakino ka akanin ka etung'anan, bala ekote nesi ibore ipede, naarai nesi elope nes einanikini itung'a kere akijar kiton euria kang'in ibore.
Alomun kamaka itwan kipe nes kesubia nesi itekerio kere luka akwap ka ainakin kesi apedor naka akiboi ka akwap kere. Ering'a keseubna kesi, kotiakuni nesi elope apak ka alarosinoi nu iboyata kesi
Kiraito oni idwe ka Akuju, mam kitemokina oni akiitunun ebe eputosi Akuju ka esawabu, kere epuesa, kere amoru, akitupusite ka ajara nepepe ka awomowomosia ka etwan.
Nape kiirarata kesi kuju ka ajarun ka lukatwak, kosodete ice kama kes akwenare nesi. Konye kotemarete ice ebe, “Ikotosi siong' akiirar ijo inera kuju kanu bobo.”
Konye kosodete itung'a ice akimorikikin ka nesi ka amunokin. Kamaka ng'ul kalu kimorikikinosi ka nesi, kejii Dionisius lokerait epe ka ebarasa loka Areopagas kiton aberu na kenyarite Damaris kiton ice.