Vo arakhlias kothe jekhe Židovos akharen les Akilas anda o Pontus, nai de dumult ke avilo anda e Italia peska řomniasa e Prisila, ke o Klodo dias ordina ka sa le Židovuri t'anklen avri anda e Roma. Vo gelo le dikhel lenge,
Le Židovuri atunči gele pe lende ai thode pe te prasan le, o Paul khoslias peske tsalia, ai phenel lenge: Ke tumaro rat te perel pe tumaro šero! me sim vužio. De akanara, me žiav karing le nai-Židovuri.
Sar anklisto avri kothar, vo dias andre ka jekh manuš akharen les Titius Justus, manuš kai daral katar o Del, ai kai lesko kher sas paša e khangeri židovitsko.
O Paul lelas te putrel o mui, kana o Galion phenel le Židovonge: Te si ke nai vorta e kris vai ke si nasul diela, me ašunava tumende sar trubul, o Židovuri;
O Paul bešlo dosta vramia ande o Korinto. Atunči muklias peske phralen, ai lias o čuno pe e Siria, lesa e Prisila ai o Akilas, pala ke řanglias pesko šero ande o Senkre, ke vo kadia šinadias.
Vo sas sikiardo ande e vurma le Bareski, ai, baro godiako, vo sikiarelas ai phenelas vorta sa so si pa o Jesus, makar ke vo žianelas ferdi o bolimos katar o Jono.
Sar vo kamelas te nakhel ande o Axaia, le phral ažutisarde les, ai ramosarde ka le vortača te len lestar mišto sama. Kana vo areslo, nais le Devleske, vo pria trubulas kudalen kai aresle te patian;