تے اُتھاں اُونکُوں ہِک یہُودی مِلیا جِیندا ناں اَکوِلہ ہا۔ او پُنطُس دا راہنڑ آلا ہا تے آپنڑی ذال پرسکِلہ نال نواں نواں اِطالِیہ تُوں آیا ہا کیوں جو کلَودِیُس شہنشاہ حُکم ڈِتا ہا جو سارے یہُودی روم شہر ءچوں نِکل ونجنڑ۔ بس پولُس اُنہاں کولھ گِیا،
جِیں ویلے سِیلاس تے تِیمُتِھیُس مَکِدُنیہ تُوں آئے تاں پولُس آپنڑا سارا وقت کلام دی تبلیغ کرݨ ءچ گُزارݨ لگا۔ او یہُودیاں دے سامنڑے گواہی ڈیندا ہا جو یسُوع ای المسیح ہے۔
جِیں ویلے او پولُس دے خلاف تھی تے اُونکُوں بُرا بھلا آکھنڑ لگ پئے تاں اُوں آپنڑے کپڑے جھاڑ تے اُنہاں کُوں آکھیا، ”تُہاڈا خون تُہاڈی ای گردن اُتے ہووے۔ مَیں اِیندا ذمہ دار نئیں، ہُنڑ تُوں مَیں غیریہُودیاں کولھ ویساں۔“
عبادت خانہ دا سردار کرِسپُس آپنڑے سارے خاندان سمیت خُداوند اُتے اِیمان گِھن آیا تے کُرِنتُھس دے بئے بہُوں سارے لوکاں وی کلام سُنڑیا تے اِیمان گِھن آئے تے اُنہاں بپتسمہ گِھدا۔
پر تُہاڈا اِلزام تاں کُجھ لفظاں، نانواں تے تُہاڈی آپنڑی شریعت دے مسئلیاں نال تعلق رکھیندے۔ اِیں واسطے تُساں خود ای بُھگتا گِھنو۔ مَیں ایجھے گالھیں دا مُنصف نہ بنڑساں۔“
بس پولُس بہُوں ڈینہاں تئیں کُرِنتُھس ءچ ریہا، وَل او بِھرانواں کنُوں رُخصت تھی تے جہاز اُتے سُوریہ دو چلیا گِیا۔ پرسکِلہ تے اَکوِلہ وی اُوندے نال ہَن۔ روانہ تھیوݨ تُوں پہلے پولُس آپنڑی مَنت پُوری تھیوݨ پارُوں کِنخریہ ءچ آپنڑا سر مُنوایا۔
بلکہ ایہ آکھ تے اُنہاں تُوں رُخصت تھیّا جو ”جے خُدا دی مرضی ہوئی تاں مَیں تُہاڈے کولھ ولا آساں۔“ وَل جہاز اُتے سوار تھی تے اِفِسُس تُوں روانہ تھی گِیا۔
انطاکِیہ ءچ کُجھ عرصہ گُزارݨ تُوں بعد پولُس اُتھوں روانہ تھیّا تے گلِتیہ تے فروگیہ دے سارے علاقیاں ءچوں لنگھدے ہوئے سبھ شاگرداں دے اِیمان کُوں مضبوط کریندا گِیا۔
اُوں بندے خُداوند دی راہ دی تعلیم پاتی ہئی تے رُوحانی جوش نال کلام کریندا تے یسُوع دے بارے ءچ صحیح تعلیم ڈیندا ہا، پر فقط یُوحنّا ای دے بپتسمہ تُوں واقف ہا۔
او عبادت خانہ ءچ دلیری نال کلام کرݨ لگا۔ پر پرسکِلہ تے اَکوِلہ اُوندے گالھیں سُنڑ تے اُونکُوں گھر گِھن گئے تے اُونکُوں خُدا دی راہ دی تعلیم مزید چنگی طرحاں سمجھائی۔
جِیں ویلے اپُلّوس سمندر پار اَخیہ ونجنڑ دا اِرادہ کیتا تاں بِھرانواں اُوندی ہِمت ودھائی تے اُتھوں دے شاگرداں کُوں لِکھیا جو اُونکُوں گرم جوشی نال مِلنڑ۔ اُتھاں پُج تے اُوں لوکاں دی بہُوں مدد کیتی جیہڑے خُدا دے فضل نال اِیمان گِھن آئے ہَن۔