Phrugia rama awm te, Pamphulia rama awm te, Aigupta rama awm te, Kurini khaw kiang vêla Libua rama awm te kan ni a; ṭhenkhat Rom khaw khual- Juda-te leh an saphunte nên- kan ni a;
Nimahsela, Petera chu sâwm leh pakhatte nên an ding za a, ani chuan aw ring takin an hnênah a sawi a, “Nangni Judai rama mite u, nangni Jerusalem khuaa awm zawng zawngte u, hêng hi hria ula, ka thu pawh ngai rawh u.
‘Pathianin, Ni hnuhnûngahte chuan heti hi a ni ang a, Mi zawng zawng chungah ka Thlarau ka leih ang a; Tichuan, in fapate, in fanuten ka thu an hril ang a; In tlangvâlten inlârnate an hmu ang a, In putarten mumangah an mang ang a.
Nangni Israel mite u, hêng thu hi hre rawh u: Nazareth Isua, Pathianin amah hmangin in zîngah thil ropui te, thilmak tak te, chhinchhiahna te a tih khânin a hriat chiantîr che u kha; nangni ngeiin chûng chu in hre si a;
Unaute u, chi thlahtu Davida thu hi hlau lovin in hnênah ka sawi thei e; ani zawng a thi a, phûm pawh an phûm tawh alâwm, a thlân pawh tûn thlengin kan hnênah a la awm reng a.
tichuan, chûng chu a lo hriat lâwk reng avângin, Krista thawhleh tûr thu a sawi a ni, ‘Mitthi khuaa hnutchhiahin a awm hek lo, a ruang pawh a ṭawih hek lo,’ tiin.
Tin, chûng thu chu an hriatin an thinlunga chhun ang an lo ni ta a, Petera leh tirhkoh dangte hnênah chuan, “Unaute u, engtin nge kan tih tâk ang?” an ti a.
Tin, Petera chuan an hnênah, “Sim ula, in sual ngaihdam nân Isua Krista hmingin baptisma chang ṭheuh rawh u; tichuan, Thlarau Thianghlim pêk hi in hmu ang.
Tin, ni tin rilru hmun khatin Pathian biak inah chuan ṭhahnemngai takin an awm ṭhîn a, an in lamahte pawh chhang an phel a, hlim tak leh lungawi takin an chaw an ei ṭhîn a,