“In kastzij in aj judey. Xinalax pa Tars re Silisiy, xinq'uiyisax c'u chi' pa Jerusalen. Xintijoj wib che ri qui pixab ri e ka mam, ri Gamaliel are ri wajtij. Xinoc il che u patanixic ri Dios ruc' ronojel wanima', je jacha' ri cäban alak camic.
Xukuje' ne ri c'amal qui be ri e cojol tabal tok'ob xukuje' ri e nimak tak tatayib xquilo jas ri xinbano, cuya' cäquik'alajisaj chiwäch. Ri e are' xeyo'w bic wuj pa nu k'ab chque ri kachil aj judeyib pa Damasc. Xinbe c'ut rech quebenyut ulok ri cojonelab ri e c'o chila', quebenc'am ulok pa Jerusalen rech cäc'äjisax qui wäch.”
Xinbij c'ut: ‘¿Jas caj la chi quinbano, Ajawaxel?’ Ri Ajawaxel xubij chwe: ‘Chatwalijok, jät pa Damasc. Chila' cäbix wi na chawe ronojel ri rajawaxic caban na.’
Ri are' xubij chwe: ‘Ri qui Dios ri ka mam at u cha'om ulok rech cach'ob ri u rayibal, rech cawil ri Jun ri suc', rech cata' ri u ch'abal ruc' ri u chi'.
Xinwil ri Ajawaxel, ri xubij chwe: ‘Jät chanim, aninak chatel bic pa Jerusalen, rumal rech chi ri winak man cäquicoj ta na ri a tzij ri cabij aretak cak'alajisaj chquiwäch jas ri nu banic.’
Ri in xinbij che: ‘Wajaw, ri e are' queta'm chi xine' pa tak conojel ri ja ri cäquitijoj wi quib ri aj judeyib che ri pixab, e nu cojom can pa che' ri winak ri quecojon che la, xukuje' e nu ch'ayo'm.
Aretak xturuw ri u quiq'uel ri Estebn ri xuk'alajisaj ri tzij la chquiwäch ri winak, xukuje' ri in in c'o chila'. Xa' junam ri nu chomanic cuc' ri cätajin quecämisanic, xinchajij ri qui k'u'.’
Rumal ri' ri qui nimal ri ajch'ojab xtakanic chi cäcoj bic ri Pawl pa ri cachoch ri ajch'ojab. Xtakan che u rapuxic xukuje' che u c'otic u chi', rech cäquetamaj jasche ri winak cäquirak qui chi' chrij.
Aretak cätajin cäquiyut che ri ximibal, ri qui nimal ri jun sient ajch'ojab tac'al chila'. Ri Pawl xubij che: “¿La ya'talic carapuj alak jun achi aj rom, ri man k'atom ta tzij puwi'?”
Chanim c'ut ri ajch'ojab ri cäquic'ot na u chi' xquitas quib chrij ri Pawl. Sibalaj xuxe'j rib ri qui nimal ri ajch'ojab aretak xretamaj chi aj rom, rumal rech chi xuyutu.
Chucab k'ij c'ut, ri qui nimal ri ajch'ojab cäraj kas cäretamaj jas ri cätzujux wi ri Pawl cumal ri aj judeyib. Xuquir che ri tikom ch'ich', xtakan che qui siq'uixic ri e qui nimakil ri e cojol tabal tok'ob xukuje' conojel ri comon re ri qui nimakil ri aj judeyib. Xuc'am c'u ulok ri Pawl, xutac'aba' chquiwäch.