ئەڤ چەندە ژی من ل ئورشەلیمێ كر و ب وێ دەستهەلاتا من ژ سەرۆكێن كاهنان وەرگرتی، من گەلەك ژ مرۆڤێن پیرۆز هاڤێتنە د زیندانێ دا و دەمێ بڕیارا كوشتنا وان دهاتە دان، من ژی دەنگێ خۆ ل دژی وان ددا.
ل هەمی كنیشتەیان من ئەو گەلەك جاران یێن سزا داین و یێن نەچار كرین كو دەست ژ باوەریا خۆ بەردەن. كەرب و كینا من ل سەر وان هند زێدە ببوو، كو ئەز ل دویڤ وان بچمە باژێڕێن بیانی ژی.
ئەم هەمی كەفتینە ئەردی و من گوھ ل دەنگەكی بوو ب زمانێ عیبرانی دگۆتە من: ‹شائوول، شائوول، تۆ بۆچی من تەپەسەر دكەی؟ یا ب زەحمەتە تۆ زیچكان دانیە چیخنان.›
دا چاڤێن وان ڤەكەی كو ئەو ژ تاریاتیێ بۆ رۆناهیێ و ژ دەستهەلاتداریا ئبلیسی بۆ خودێ بزڤڕن، دا ئەو لێبورینا گونەهان وەربگرن و بەهرەك هەبیت ل گەل ئەو كەسێن ب رێكا باوەری ئینانێ ب من هاتینە پیرۆزكرن.›
لێ من ل دەستپێكێ بۆ یێن ل دیمەشقێ، پاشی ل ئورشەلیمێ و هەمی دەڤەرێن یەهودیایێ، پاشی بۆ مللەتێن نەجوهی ژی راگەهاند، كو ل خۆ بزڤڕن و بۆ خودێ ڤەگەڕن و كریارێن هەژی لخۆزڤڕینێ بكەن.
لێ من هاریكاری ژ خودێ وەرگرت، لەوما هەتا ئەڤرۆ ئەز راوەستیایمە و شاهدەییێ ددەمە بچویكی و مەزنی. ئەز چ دی نابێژم، ژبلی وان تشتێن مووسای و پێغەمبەران گۆتی كو دێ روی دەن: