او شروع کنُوں میکُوں جانڑدے ہِن تے جے چاہوݨ تاں میڈے حق ءچ گواہی ڈے سگدے ہِن جو مَیں فریسی ہوندے ہوئے آپنڑے مذہب دے سبھ کنُوں پابند فرقہ دے مطابق زندگی گُزریندا ہم۔
اُونہی وعدے دے پُورے تھیوݨ دی اُمید اُتے ساڈے بارہاں دے بارہاں قبیلے ڈینہہ رات دل و جان نال خُدا دی عبادت کریندے راہندے ہِن۔ پر بادشاہ سلامت! اِیں اُمید دے سببّوں یہُودی میڈے اُتے مقدمہ دائر کریندے پئے ہِن۔
اِیں واسطے مَیں یروشلیم ءچ اِینویں ای کیتا۔ مَیں سردار کاہِناں کنُوں اِختیار گِھن تے بہُوں سارے مُقدّساں کُوں قید ءچ سٹیا تے جِیں ویلے اُنہاں کُوں سزائے موت سُنڑائی ویندی ہئی تاں مَیں وی اِیہو صلاح ڈیندا ہم۔
بادشاہ سلامت! ڈوپہر کُوں جِیں ویلے مَیں رستے ءچ ہم تاں مَیں اسمان کنُوں روشنی آندی ڈِٹھی جیہڑی سِجھ دی روشنی تُوں وی بہُوں تیز ہئی تے او آ تے میڈے تے میڈے نال سفر کرݨ آلیاں دے چودھارُوں چمکنڑ لگ پئی۔
اساں سارے زمین اُتے ڈھے پئے تے مَیں ہِک اواز سُنڑی جیہڑی میکُوں عبرانی زبان ءچ آدھی پئی ہئی جو ’ساؤل! ساؤل! تُوں میکُوں کیوں سَتیندیں؟ میڈے خلاف لڑن بیوقُوفی ہے ۔‘
پر اُٹھی آپنڑے پیراں اُتے کھڑا تھی وَنج، کیوں جو مَیں تَیں اُتے اِیں واسطے ظاہر تھیّا ہاں جو تیکُوں آپنڑا خادم تے گواہ مقرر کراں تاں جو تُوں اِنہاں گالھیں دی گواہی ڈیویں جیہڑیاں تَیں ہُنڑ ڈِٹھیاں ہِن تے اُنہاں دی وی جیہڑیاں مَیں تیڈے اُتے ظاہر کریساں۔
جو تُوں اُنہاں دے اکھیں کھولیں تاں جو او اندھارے کنُوں روشنی دو تے شیطان دے اِختیار کنُوں خُدا دو رجُوع گِھن آوݨ، تے میڈے اُتے اِیمان گِھن آ تے گُناہاں دی معافی پاوݨ، تے خُدا دے پاک لوکاں ءچ شریک تھی تے میراث حاصل کرݨ۔‘
بلکہ پہلے مَیں دمشق دے لوکاں ءچ، وَل یروشلیم تے سارے یہُودیہ دے راہنڑ آلیاں تے غیر قوماں ءچ وی تبلیغ کیتی جو او توبہ کرݨ تے خُدا دو رجُوع کرݨ، تے آپنڑے نیک عمل تُوں توبہ دا ثبوت ڈیوݨ۔
پر مَیں خُدا دی مدد نال اَج تئیں ہر چھوٹے وڈے دے سامنڑے گواہی ڈیندا ہاں۔ مَیں اُنہاں گالھیں دے سِوا کُجھ نئیں آدھا جِنہاں دی پیشن گوئی نبیاں تے مُوسیٰ کیتی ہے،
جِیں ویلے پولُس آپنڑی صفائی ءچ ایہ آدھا ای پِیا ہا تاں فیستُس اُونکُوں روک تے اُچی اواز نال آکھیا، ”پولُس تُوں دیوانہ تھی گئیں۔ علم دی زیادتی تیکُوں پاگل کر ڈِتے۔“
بادشاہ اِنہاں گالھیں تُوں واقف ہے تے مَیں اُوندے نال کُھل تے گالھ کر سگدا ہاں۔ میکُوں یقین ہے جو اِنہاں گالھیں ءچوں کوئی وی اُوں کنُوں لُکی نئیں کیوں جو ایہ قصہ کہیں کونے ءچ نئیں تھیّا۔
پولُس جواب ڈِتا، ”مَیں تاں خُدا تُوں دُعا کریندا ہاں جو بھانویں تھوڑی جیہی یا زیادہ، نہ فقط تُساں بلکہ جتنے وی اَج میڈی سُنڑدے پئے ہِن، میڈے وانگُوں تھی ونجنڑ، سِوا اِنہاں زنجیراں دے۔“