तठे एक माणुस होता जो जन्मा पासून लंगळा होता, लोक तेले दररोज परमेश्वर ना मंदिर ना त्या दरवाजा वर जो सुंदर दरवाजा सांगामा येस, बठाळी देतस, कि तो मंदिर मा जाणारास पासून भिक मांगो.
तेले ओयखी लीध कि हवू तोच लंगळा भिकारी शे, जो परमेश्वर ना मंदिर ना सुंदर दरवाजा जोळे बठीसन भिक मांगत ऱ्हात होता, आणि त्या घटना कण जी तेना संगे होयेल होती, त्या गैरा आश्चर्य आणि चकित हुई ग्यात.
हय देखीसन पेत्र नि लोकस्ले सांग, “हे इस्त्राएल देश ना लोकसहोण, तुमी या माणुस वर काबर आश्चर्य करतस, आणि तुमी आमना कळे काबर घुरतस, जसा कि आमी आपली सामर्थ्य व भक्ती कण तेले चालाना-फिराणा योग्य बनाई दिधा?”
अब्राहाम, इसहाक, आणि याकोब ना परमेश्वर, आमना पूर्वज लोक ना परमेश्वर नि आपला दास येशु नि महिमा करी, पण तुमी तेले मारावा साठे यहुदी पुढारीस्ना हात मा सोपी दिधा, पण जव पिलात नि तेले सोळाना विचार कर, तव तुमी तेना समोर येशु ले नकार दिधा.
ख्रिस्त येशु ना नाव वर विश्वास करा मुळे ह्या माणुस ले जेले तुमी ओयखतस आणि ह्या टाईम ले देखतस, परमेश्वर कळून सामर्थ्य भेटेल शे. हवू माणुस येशु ख्रिस्त ना नाव मा विश्वास ना द्वारे बरा चांगला हुयेल शे, जसा कि तुमी स्वता देखी सकतस.
पण ज्या गोष्टीस्ले परमेश्वर नि सर्वा भविष्यवक्ता ना द्वारे पयलेच सांगेल होत, कि तेना (परमेश्वर) कळून धाळेल ख्रिस्त दुख उचलीन आणि मारी टाकामा ईन, तेनी तेस्ले खर करी दाखाळ.
येशु ले स्वर्ग मा त्या टाईम लोंग राहाले अवश्य शे जव परमेश्वर त्या सर्वा वस्तूस्ले नवीन बनाई दिन ज्या तेनी बनायेल शे, गैरा टाईम पयले परमेश्वर नि लोकस्ले सांगा साठे पवित्र भविष्यवक्तास्ना द्वारे असा कराना करार करना.
तुमी सर्वा भविष्यवक्तास्ना वारीस आणि त्या करार ना भागी शे, जो परमेश्वर नि तुमना पूर्वज लोक बरोबर बांधेल होता, जव तेनी अब्राहाम ले सांग, “तुना वंश ना द्वारा पृथ्वी ना सर्वा घरानास्ले आशीर्वाद भेटीन.”
परमेश्वर नि आपला दास ले मरेल मधून उठाडीसन बठ्ठास्ना पयले तुमना जोळे धाळ, कि आमना मधून प्रत्येक ले आपला जीवन ना पापमय रिती कण परमेश्वर कळे फिराले मदत करो.