त्या गैरा रागे भरनात कि पेत्र आणि योहान येशु ना बारामा शिकाळत होतात कि ज्या लोक मरी जायेल शे परमेश्वर तेस्ले परत जित्ता करी दिन, जसा तेनी येशु ले मरेल मधून परत जित्ता करी दिधा.
त तुमी सर्वा आणि सर्वा इस्त्राएल देश ना लोक समजी ल्या कि हय नासरेथकर येशु ख्रिस्त ना नाव कण करेल शे. त्याच येशु ले तुमी लोकस्नी क्रूस वर चळाई टाकेल होतात, पण परमेश्वर नि तेले मरेल मधून परत जित्ता कर. आज तेनाच नाव ना द्वारे हवू माणुस तुमना समोर चांगला उभा शे.
येशु ले सोळीसन कोणी दुसरा ना द्वारे तारण नई, कारण कि आकाश ना खाले माणसस्मा आखो कोणताच दुसरा नाव नई देवामा एयेल शे, जेना द्वारे आमी तारण प्राप्त करी सकुत.”
जव त्या पेत्र आणि योहान नि हिम्मत देखनात, आणि हय समजी ग्यात कि बिगर शिकेल आणि साधारण माणस शेतस, त आश्चर्य करणात, नंतर तेस्ले ओयख, कि ह्या येशु ना संगे ऱ्हायेल होतात.
पण त्या माणुस ले जो बरा हुयेल होता, पेत्र आणि योहान ना संगे उभा देखीसन, पुढारी, पूर्वज लोक आणि यहुदी नियम ना शिक्षक (शास्त्री) तेस्ना विरुद्ध मा काहीच नई करू सकनात.
“आमी ह्या माणसस संगे काय करूत? कारण कि यरूशलेम शहर ना सर्वा राहणारास वर प्रगट शे, कि एस्ना द्वारे एक प्रसिद्ध चिन्ह दाखाळेल शे, आणि आमी तेना नकार नई करू सकतस.
पण पेत्र आणि योहान नि तेस्ले उत्तर दिधा, “तुमीच न्याय करा, कि काय हय परमेश्वर ना जोळे चांगला शे, कि आमी परमेश्वर नि गोष्ट ले सोळीसन तुमनी गोष्ट मानी लेवूत?
तव तेस्नी तेस्ले आखो धमकाईसन सोळी टाक, कारण कि लोकस मुळे तेस्ले दंड देवाना कोणताच कारण नई भेटणा, एनासाठे कि जी घटना हुयेल होती तेना मुळे सर्वा लोक परमेश्वर नि स्तुती करत होतात.
तुनी पवित्र आत्मा ना द्वारे आपला सेवक आमना पूर्वज दाविद ना तोंड कण सांग, “दुसरा जातीस्ना लोक गोंधय करतस? आणि देश-देश ना लोक व्यर्थ गोष्टीस्ना काब विचार करतस?
कारण कि खरज तुना पवित्र सेवक येशु ना विरुद्ध मा, जेले तुनी अभिषेक कर, हेरोद राजा आणि पंतय पिलात बी बिगर यहुदी आणि इस्त्राएल देश ना लोकस संगे ह्या नगर मा एकत्र हुईनात,
जव त्या प्रार्थना करी लीनात, त ती जागा जठे त्या एकत्र होतात हाली गई, आणि त्या सर्वा पवित्र आत्मा कण भरीग्यात, आणि परमेश्वर ना वचन हिम्मत कण आयकाळत ऱ्हायनात.
तेस्ना मा कोणी बी गरीब नई होता, कारण कि जेस्ना कळे जमीन व घर होतात, त्या तेस्ले ईकी-ईकीसन, ईकायेल वस्तुना दाम लयत होतात, आणि प्रेषितस्ले दि टाकत होतात.
योसेफ नाव ना एक माणुस होता, तो लेवी गोत्र मधून होता आणि कुप्र बेट ना होता. प्रेषितस्नी तेले बर्णबा सांगनत, जेना अर्थ शे, एक असा माणुस जो दुसरास्ले उत्साहित करस.