shawa masha ni hpe sharin shaga nga let, Yesu a marang e si mat sai ni bai hkrung rawt wa na lam tsun ma ai majaw, shanhte grai myit ru da mu ai rai nna,
nanhte nlang hte Israela amyu yawng hpe chye la shangun made ga: nanhte wudang hta jen da sat kau nna, Karai Kasang chyasi ni kaw na jahkrung sharawt la ai, Nazaret wa Yesu Hkristu a amying ningsang hta, ndai wa nanhte a man e amai atsai tsap nga ai.
Shi hta shaje hkye krang la ai lam n nga sai; anhte hkye hkrang la kaw du lu na matu, sumsing lamu a npu, shinggyim masha ni hta jaw ya ai amying ningsang shaje, kanang mung n nga sai,” ngu nna htan wu ai.
Shanhte chyawm gaw, Petru yan Yawhan a nden ja ai myit mu nna, shan gaw laika n chye ai, yu maya masha rai nga ma ai hpe chye ma ai majaw, mau nga ma ai; rai timung, shawng de Yesu hte rau shan nga yu ai gaw, shanhte dum ma ai:
“Ndai yan hpe kaning di na rai nga ga ta? shan a lata hte dan hkung ai lamik kumla langai mi byin wa sai gaw, Yerusalem e nga ai ni nlang a man e dan dan pra pra rai wa sai rai nna, anhte mung ndang shara n mu sagaw ai.
Rai timung, dai lam, mung masha ni hta grau nna n gara wa u ga, ya kaw nna amying dai gang nna kadai hpe mung, n tsun dan na hku, shan hpe daru jet kau gaw,” nga ma ai.
Petru yan Yawhan chyawm gaw, “Karai Kasang a ga madat na hta, nanhte a ga mahtang madat yang, Karai Kasang a man e mai n mai gaw, nanhte she dawdan yu mu.
Shaloi shanhte gaw, mung masha ni hpe tau yu let, shan hpe ari jaw na lam n mu mu ai majaw, shan hpe bai daru nna dat dat mu ai; kaning rai nme law, dai byin ai amu majaw, masha nlang Karai Kasang hpe shagrau sha-a ma ai.
Shing rai raw dat hkrum jang, shan gaw tinang a hpung manang ni hpang de wa nna, hkinjawng agyi ni hte salang ni, shan hpe ahkrim ai ga mahkra tsun dan mu ai.
Dai na jang shanhte gaw myit langai sha hte Karai Kasang hpang de tinang a nsen shaja nna, “Sumsing lamu hte ginding aga, nammukdara hte dai hte hta nga manga hpan tawn da ai Madu e;
Nang na a mayam, anhte a wa Dawi a n-gup hta, Chyoi pra ai Wenyi hte tsun da ndai gaw; ‘Maigan amyu ni hpa majaw n-yun bu nna, Masha amyu ni hpa majaw lila maw nga ma hka?
Gaja wa teng teng, na a lata, na a myit hpaji hte tau hpang da ai hku, byin wa lu hkra, nang namman chya ai, na a chyoi pra ai wa Shangun ma Yesu hpe tai na nga,
Ya yang Madu e, shanhte a daru ahkrim ai ga hpe dum ya mi; machyi makaw mai tsai hkra, na a lata ladawn nna, na a chyoi pra ai Shangun ma Yesu a amying hte lamik kumla, mauhpa amu byin nga ai hta,
Shing rai akyu hpyi ngut jang, shanhte hpawng nga ai shara gaw gari ashun wa nna, nlang hte hta Chyoi pra ai Wenyi hpring wa ai hte, Karai Kasang a mungga hpe nden ja ai myit hte tsun dan wa ma ai.
Dai kamsham ai shawa hpung ting gaw myit mang langai sha rai nga ma ai: kadai mung tinang lu ai arai hpe nye a, n nga ai sha, yawng mayawng hpe jawm lang ma ai.
Shanhte hta kadawn ai masha langai mi muk n nga ma ai; kaning rai nme law, ga dachyawk lu ai ni, nta lu ai ni kadai mung, dai dut nna, lu la ai gumhpraw hpe,
Dai shaloi, Barnaba ngu nna, kasa ni e mying hkawt shamying ai, Kupru mung na Lewi masha Yawsep mung, shi lu ai ga dachyawk dut nna, lu la ai gumhpraw hpe kasa ni a lagaw nhpang e sa tawn da wu ai: