|
| 1 |
|
| Hiaⁿ-tī chí-bē, góa ê sim jia̍t-chhiat ǹg-bāng, koh tùi Siōng-tè kî-kiû--ê, chiū-sī Í-sek-lia̍t -lâng ōe tit-tio̍h kiù. |
|
| 2 |
|
| Góa ōe-tàng ūi-tio̍h in choh-chèng: In tùi Siōng-tè ū jia̍t-sim, m̄-kú m̄-sī kun-kù chèng-khak ê liáu-kái. |
|
| 3 |
|
| In-ūi in bô bêng-pe̍k Siōng-tè ê gī, beh ēng ka-kī ê hong-hoat tui-kiû kap Siōng-tè kiàn-li̍p ha̍p-gî ê koan-hē, soah bô sūn-thàn Siōng-tè hō͘ lâng chiâⁿ-chòe gī-lâng ê hong-hoat. |
|
| 4 |
|
| Kî-si̍t, Ki-tok í-keng oân-sêng Lu̍t-hoat ê bo̍k-te̍k, hō͘ sìn ê lâng ōe-tàng kap Siōng-tè ū ha̍p-gî ê koan-hē. |
|
| 5 |
|
| Koan-hē tùi khò Lu̍t-hoat tit--tio̍h ê gī, Mô͘-se ū án-ni siá, “Siú Lu̍t-hoat ê lâng khò Lu̍t-hoat lâi oa̍h.” |
|
| 6 |
|
| M̄-kú koan-hē tùi sìn chheng-gī, Sèng-keng ū án-ni kóng, “Lí m̄-thang sim-lāi kóng ‘Sím-mi̍h-lâng ōe peh-chiūⁿ thiⁿ’ — chiū-sī kóng, sím-mi̍h-lâng ōe chiong Ki-tok chhōa--lo̍h-lâi? |
|
| 7 |
|
| Mā m̄-thang kóng ‘Sím-mi̍h-lâng ōe lo̍h-khì chhim-ian’ — chiū-sī kóng, sím-mi̍h-lâng ōe chiong Ki-tok tùi sí-lâng tiong chhōa--khí-lâi?” |
|
| 8 |
|
| Chiah-ê ōe tàu-tóe sím-mi̍h ì-sù? Ì-sù sī: Siōng-tè ê ōe kap lí chin kūn, tī lí ê chhùi--ni̍h, tī lí ê sim-lāi. Che chiū-sī goán só͘ soan-iông ê sìn ê sìn-sit. |
|
| 9 |
|
| Lí nā ēng chhùi soan-jīn “Iâ-so͘ sī Chú”, sim sìn Siōng-tè ū hō͘ I tùi sí-lâng tiong koh-oa̍h, chiū ōe tit-tio̍h kiù. |
|
| 10 |
|
| In-ūi lâng sim sìn chiū tit-tio̍h chheng-gī; chhùi soan-jīn chiū tit-tio̍h kiù. |
|
| 11 |
|
| Sèng-keng ū án-ni kì-chài, “Sìn I ê lâng bōe tì-kàu sit-bāng.” |
|
| 12 |
|
| Iû-thài -lâng kap Gōa-pang-lâng lóng bô chha-pia̍t, in-ūi ū kâng chi̍t ūi Siōng-tè sī bān-bîn ê Chú, I ōe hong-hong-hù-hù sù-hok hō͘ só͘-ū kiû-kiò I ê lâng. |
|
| 13 |
|
| In-ūi “Só͘-ū kiû-kiò Chú ê miâ ê lâng lóng ōe tit-kiù.” |
|
| 14 |
|
| M̄-kú in to bô sìn I, ná ōe kiû-kiò I? To bô thiaⁿ--tio̍h, ná ōe sìn I? To bô lâng thoân, ná ōe thiaⁿ--tio̍h? |
|
| 15 |
|
| To bô chhe-phài, ná ōe thoân? Chiàu Sèng-keng só͘ kì-chài, “Thoân-pò͘ hok-im ê lâng, in ê kha-jiah jōa-á-ni̍h súi!” |
|
| 16 |
|
| M̄-kú, m̄-sī só͘-ū ê lâng lóng sūn-thàn chit-ê hok-im. Í-sài-a kóng, “Chú ah, sím-mi̍h-lâng sìn goán só͘ thoân ê sìn-sit?” |
|
| 17 |
|
| Só͘-í, sìn sī tùi thiaⁿ, thiaⁿ sī tùi thiaⁿ Ki-tok ê ōe. |
|
| 18 |
|
| Put-kò góa beh mn̄g, in kiám chin-chiàⁿ lóng m̄-bat thiaⁿ--tio̍h? Tong-jiân bat! Sèng-keng án-ni kì-chài: In ê siaⁿ-im thoân-piàn choân-tōe; in ê ōe thoân kàu thiⁿ-piⁿ-hái-kak. |
|
| 19 |
|
| Góa beh koh mn̄g, Í-sek-lia̍t -lâng kiám chin-chiàⁿ m̄ chai? Tāi-seng, Mô͘-se thòe Siōng-tè án-ni kóng: Góa beh ēng m̄-sī góa chú-bîn ê lâng lâi ín-khí lín oàn-tò͘, ēng gû-gōng ê chú-bîn lâi kek-khí lín siū-khì. |
|
| 20 |
|
| Āu-lâi Í-sài-a mā chin hó-táⁿ thòe Siōng-tè kóng: Bô chhē góa ê lâng, góa ū hō͘ in chhē--tio̍h; bô kiû góa ê lâng, góa ū tùi in hián-hiān. |
|
| 21 |
|
| M̄-kú koan-hē Í-sek-lia̍t -lâng, I ū kóng, “Ngī-sim pōe-ge̍k ê chú-bîn, góa kui-ji̍t chhun siang-chhiú hoan-gêng.” |
|
|
|
|