×

أَتَّوْرَتْ دَ أَنَّبَاوَا 2020

Romawa 10

1
تُواْ، یَنْعُوَنَ، أَبِنْدَ نَڢِ سُواْ ڢِيٜىٰ دَكُواْمٜىٰ شِينٜىٰ إِسْرَٰٓءِيلَاوَا سُسَامِ ثٜىٰتُواْ؞ أَدُّعَرْ دَ نَكٜىٰيِ وَ اللَّهْ سَبُواْدَسُو كٜىٰنَنْ؞
2
نَا دَيْ شَيْدَ ثٜىٰوَ سُنَدَ كِيشِنْ بَوْتَرْ اللَّهْ ، عَمَّا وَنَّنْ كُوَ بَاتَرٜىٰدَ ثِكَكّٜىٰنْ سَنِبَ؞
3
تُنْدَيَكٜىٰ بَسُ سَنْ حَنْيَرْ دَ اللَّهْ يَكٜىٰسَا مُتَنٜىٰ سُذَمَ مَاسُ أَدَلْثِبَ، كُمَ سُنَ ڧُواْڧَرِ سُكَڢَ تَاسُ حَنْيَرْ ذَمَ مَاسُ أَدَلْثِے أَغَبَنْ اللَّهْ ، سَيْ وَنَّنْ يَسَا بَسُ مِيڧَ كَنْسُ غَ حَنْيَرْ دَ اللَّهْ يَكٜىٰسَا مُتَنٜىٰ سُذَمَ مَاسُ أَدَلْثِبَ؞
4
غَمَا أَلْمَسِيحُ شِينٜىٰ ڧَرْشٜىٰنْ كُواْيَرْوَرْ مُوسَٰى، دُواْمِنْ دُكْ مَيْ بَادَ غَسْكِيَ يَسَامِ ذَمَنْ مَيْ أَدَلْثِے أَغَبَنْ اللَّهْ ؞
5
مُوسَٰى يَيِ رُبُوتُو غَمٜىٰدَ أَدَلْثِنْ دَ عَكٜىٰ سَامُوَ تَوُرِنْ بِنْ كُواْيَرْوَرْسَ ثٜىٰوَ «دُكْ وَنْدَ يَبِے كُواْيَرْوَرْ نَنْ ذَيْ رَايُ تَوُرِنْتَ؞»
6
عَمَّا غَ أَبِنْدَ رُبُوتَثِّيَرْ كَلْمَرْ اللَّهْ تَثٜىٰ غَمٜىٰدَ أَدَلْثِنْ دَ عَكٜىٰ سَامُوَ تَوُرِنْ بَنْ‌غَسْكِيَ «كَدَ كَثٜىٰ عَثِكِنْ ذُوثِيَارْكَ، ‹وَنٜىٰنٜىٰ ذَيْ هَوْ سَمَ؟› » وَتُواْ، دُواْمِنْ يَسَوْكُواْ دَ أَلْمَسِيحُ ؞
7
«كُواْ كُوَ كَثٜىٰ، ‹وَنٜىٰنٜىٰ ذَيْ سَوْكُواْ حَرْ وُرِنْ ذَمَنْ مَتَتُّو؟› » وَتُواْ، دُواْمِنْ يَتَادَ أَلْمَسِيحُ دَغَ مَتَتُّو؞
8
أَبِنْ دَ رُبُوتَثِّيَرْ مَغَنَرْ اللَّهْ تَكٜىٰ ڢَطِنْ شِينٜىٰ «مَغَنَرْ اللَّهْ تَنَ كُسَدَكَيْ، تَنَ عَبَاكِنْكَ دَ كُمَ عَثِكِنْ ذُوثِيَارْكَ؞» مَغَنَرْ نَنْ كُوَ عِتَثٜىٰ سَڧُوانْ بَنْ‌غَسْكِيَرْ دَمُكٜىٰ وَعَظِنْتَ؞
9
عِدَنْ كَا شَيْدَ دَ بَاكِنْكَ ثٜىٰوَ عِيسَىٰ شِينٜىٰ عُبَنْ‌غِجِ ، كَكُمَ بَادَ غَسْكِيَ ثِكِنْ ذُوثِيَارْكَ ثٜىٰوَ اللَّهْ يَتَادَ شِ دَغَ مَتَتُّو، ذَاعَ ثٜىٰثٜىٰكَ؞
10
غَمَا دَ ذُوثِيَا نٜىٰ عَكَنْ بَادَ غَسْكِيَ أَ سَامِ ذَمَ مَرَرْ لَيْڢِے أَغَبَنْ اللَّهْ ، كُمَ دَ بَاكِ نٜىٰ عَكَنْ بَادَ شَيْدَ أَ سَامِ ثٜىٰتُواْ؞
11
كَمَرْ يَدَّ رُبُوتَثِّيَرْ مَغَنَرْ اللَّهْ تَثٜىٰ، «دُكْ مَيْ بَادَ غَسْكِيَ غَرٜىٰشِ بَذَيْ شَا كُنْيَابَ؞»
12
غَمَا بَا بَمْبَنْثِ ڟَكَانِنْ يَهُودَاوَا دَ وَطَنْدَ بَا يَهُودَاوَا بَ؞ عُبَنْ‌غِجِنْ نَنْ طَيَ شِينٜىٰ عُبَنْ‌غِجِنْ كُواْوَ، شِينٜىٰ كُمَ يَكَنْ بَادَ أَلْبَرْكُ مَاسُيَوَ غَ دُكْ مَاسُ كِرَا غَرٜىٰشِ؞
13
كَمَرْ يَدَّ رُبُوتَثِّيَرْ مَغَنَرْ اللَّهْ تَثٜىٰ «دُكْ وَنْدَ يَكِرَا غَ سُونَنْ عُبَنْ‌غِجِ ذَيْسَامِ ثٜىٰتُواْ؞»
14
عَمَّا تَيَيَا ذَاسُ كِرَا غَ وَنْدَ بَسُ غَسْكَتَادَشِيبَ؟ تَيَيَا ذَاسُ غَسْكَتَادَ وَنْدَ بَسُ تَٻَ جِنْ لَابَرِنْسَبَ؟ تَيَيَا كُمَ ذَاسُجِ إِنْ بَابُوَنْدَ ذَيْ يِمُسُ وَعَظِ؟
15
تَيَيَا كُمَ مَاسُ وَعَظِ ذَاسُيِ وَعَظِ إِنْ بَعَعَيْكٜىٰسُبَ؟ كَمَرْ يَدَّ يَكٜىٰ أَرُبُوثٜىٰ ثٜىٰوَ «إِنَا مِصَالِنْ بَنْ شَعَوَرْ مَاسُ كَٰوُاْ لَابَرِ مَيْ دَاطِے!»
16
عَمَّا بَ دُكَنْ إِسْرَٰٓءِيلَاوَا نٜىٰ سُكَ يَرْدَ دَ لَابَرِ مَيْ دَاطِنْ بَ؞ كَمَرْ يَدَّ عِشَايَ يَثٜىٰ «يَا عُبَنْ‌غِجِ ، وَ يَغَسْكَتَادَ سَڧُوانْدَ يَجِ دَغَ غَرٜىٰمُ؟»
17
سَبُواْدَ حَكَ عَكَنْ بَادَ غَسْكِيَ تَوُرِنْ جِنْ سَڧُوانْ نٜىٰ، كُمَ عَكَنْ جِ سَڧُوانْ تَوَعَظِ عَكَنْ أَلْمَسِيحُ نٜىٰ؞
18
عَمَّا إِنَ تَمْبَيَ «وَيْ غَسْكِيَ نٜىٰ بَسُجِبَ؟» أَيْ، سُنْجِ؞ غَمَا رُبُوتَثِّيَرْ مَغَنَرْ اللَّهْ تَثٜىٰ، «مُرْيَرْ سَڧُوانْسُ تَبِے تَدُونِيَا دُكَ، كَلْمُواْمِنْسُ سُنْ كَيْ إِيَاكَرْ دُونِيَا؞»
19
إِنَ سَاكٜىٰ تَمْبَيَ؞ «وَيْ إِسْرَٰٓءِيلَاوَا بَسُ غَانٜىٰبَنٜىٰ؟» دَ ڢَرْكُواْ، مُوسَٰى يَأَمْسَ ثٜىٰوَ اللَّهْ يَثٜىٰ، «ذَنْ سَاكُ كُيِ كِيشِنْ جَمَعَرْ دَ بَ أَلْعُمَّ بَثٜىٰ، تَوُرِنْ أَلْعُمَّ مَرَرْ وَيُواْ ذَنْ سَاكُ كُيِ ڢُشِے؞»
20
سَعَنً كُمَ عِشَايَ يَيِ ڧَرْڢِنْ حَلِ حَرْ دَ ثٜىٰوَ اللَّهْ يَثٜىٰ، «وَطَنْدَ بَسُ نٜىٰمٜىٰنِبَ، سُونٜىٰ نَسَا سُكَ سَامٜىٰنِ؞ غَ وَطَنْدَ بَسُ تَمْبَيٜىٰنِبَ، نَبَيَّنَ كَيْنَ؞»
21
عَمَّا غَمٜىٰدَ إِسْرَٰٓءِيلَ، اللَّهْ كُمَ يَثٜىٰ، «دُكْ يِنِ نَمِيڧَ حَنُّوَنَ غَ جَمَعَ مَاسُ رَشِنْ بِيَيَّ دَ مَاسُ ڧِنْجِ؞»
Hausa Bible Arabic 2020
Hausa Common Language Ajami Bible The Bible Society of Nigeria, 2020
:
Adana Bayanan kula