Pathianin a mi hriat lâwkate chu a paih thla lo ve. Elija chanchin Lehkha Thua chuang kha in hre lo vem ni? Ani chuan Israel mite chungthu Pathian hnênah a thlen a:
Engtin nge ni ta ang le? Israel-te chuan an zawn chu an hmu lo va, Pathian thlan tlêm tê chauhvin an hmu, mi dang zawng zawng chu an chawlawl zo vek ta a ni.
A nih leh an tlûk avângin an chhe hlen dâwn em ni? Chhe hlen suh e, an tlûk avângin Jentail-te hnênah chhandamna a lo thleng a, Israel-te awh tûra lo thleng a ni.
Tichuan, an tlûkna mah khawvêl tihhausakna a niha, an tlâkhniamna mah Jentail-te hausakna a nih bawk si chuan, an lo tel kim hun chuan eng ang tak ni ang maw!
Chhang hmeh lai hlâwm ata sawh thlâk hmasak ber chu serh thianghlim a nih chuan, a hlâwm pum pawh serh thianghlim a ni; tin, thing pawh a zung a thianghlim chuan a zârte pawh a thianghlim a ni.
Pathian ṭhatzia leh a ṭihbaiawmzia hi ngaihtuah teh; tlute tân a ṭihbaiawm a, a ṭhatnaa i awm reng chuan, nanga tân zawng a ṭha a ni; i awm reng loh chuan nang pawh sah thlâk i ni ve mai ang.
Nang oliv suak ata sah chhûm mah, pianphung pângngai ang lova oliv thing ṭhaa zawm i nih si chuan, oliv zâr dik tak chu oliv thing dikah chuan zawm a va awlsam zâwk dâwn êm!
Unaute u, he thurûk hi in hriat loh ka duh si lo; chutilo chu, fing tâwk in lo inti dah ang e; Jentail-te an tel kim hma chu Israel mi ṭhenkhatte chungah chawlawlna a lo thleng rih a ni, tih hi.
Chumi hunah chuan a ni, Israel mi zawng zawng chhandam an nih dâwn ni. “Zion aṭangin Chhandamtu chu a lo chhuak ang a, Jakoba hnên ata suahsualna a ti bo vang.”
Chanchin Ṭha an hnâwl avângin Juda-te chu Pathian hmêlma an ni a; nangni chan a ṭhat phah a; mahse, Pathianin a thlan avângin thlahtute azârah a ṭhian duh takte an ni tho.