किनभने सरकारदेखि त असल काम गर्नेहरूले होइन तर खराब काम गर्नेहरूले नै डराउनुपर्दछ। के तिमीहरू सरकारदेखि निडर हुन चाहन्छौ? त्यसो भए असल काम गर र तिमीहरूले उनीहरूबाट स्याबासी पाउनेछौ
किनभने शासन गर्नेहरू परमेश्वरका सेवकहरू हुन् र उहाँले तिनीहरूलाई तिमीहरूको भलाइको लागि नै खटाउनुभएको हो। तिमीले खराब काम गर्छौ भने मात्र सरकारदेखि डराओ किनभने सरकारलाई दण्ड दिने अधिकार छ। सरकार त खराब काम गर्नेहरूलाई दण्ड दिने परमेश्वरको सेवक हो।
व्यवस्थाभित्र व्यभिचार नगर्नू, हत्या नगर्नू, चोरी नगर्नू, लोभ नगर्नू भन्ने आज्ञाहरू पर्दछन्। आफूलाई जस्तो माया गर्छौ, अरूलाई पनि त्यस्तै माया गर्नू भन्ने सबै व्यवस्था र आज्ञाको सार हो।
याद राख, कस्तो समय आउन लागेको छ। तिमीहरूलाई पनि थाहै छ, अब तिमीहरूले निद्रा त्यागेर उठ्ने बेला आएको छ। हामीले पहिले विश्वास गरेको बेलाभन्दा पनि अब हामीलाई पूरा मुक्ति हुने बेला झन् नजिक आएको छ।
दिनको उज्यालोमा सुहाउने गरी इमानदार भएर काम गरौं। रातको झैँ मोज-मज्जा गर्ने, मात्तिने, व्यविचारी गर्ने, जथाभाबी गर्ने, झगडा वा डाहा गर्ने कामहरू छोडिदिऊँ।