Kisannla to ete pou ziz serviter enn lot? Si li tini ferm ou si li tonbe, sa regard so met. Me li pou tini ferm, parski Lesegner ena pouvwar soutenir li.
Seki trouv enn zour spesial, li fer sa pou onor Lesegner. Seki manz laviann, li manze pou onor Lesegner, parski li rann aksiondegras Bondie; e seki pa manze, li onor Lesegner, e li rann aksiondegras Bondie.
Par lafwa ki mo ena dan Lesegner Zezi, mo kone ek mo garanti ki nanye anlimem pa inpir. Me si kikenn panse ki enn kiksoz inpir, li inpir zis pou sa dimoun la.
Si to bles enn frer ou enn ser akoz enn aliman ki to manze, alor to nepli pe azir par amour. Pa les sa aliman ki twa to manze koz lapert pou enn lot dimoun pouki Lekris finn donn so lavi.