Ngam e mi wi'a'on Almasiihu wartii maccuɗo Yahuudanko'en ngam o holla Allah waɗay ko wi'i, ngam ɗum tabbitina alkawal ngal ɗum waɗani maama'en maɓɓe arande'en,
kadin ngam yimɓe naa' Yahuudanko'en mawnina Allah ngam yurmeende maako. Non no ɗum windiraa, “Ngam non, mi mantete nder yimɓe naa' Yahuudanko'en, mi yima gimi mantuki inde maaɗa.”
Allah tabbitinɗo kammunde meeɗen waɗa'on nanon belɗum kewɗum, o hokka'on jam barka hoolaaki ki kooliiɗonmo, ngam kammunde mooɗon waɗa ka ɓeydaaki laawol bawɗe Ruuhu maako.
Ammaa bannye nder ɗerewol ngo'ol mi windanii'on haala cembiɗka dow goɗɗum fii ngam mi siftorana'onɗum. Mi waɗu non ngam kuugal bongal ngal Allah hokkiyam,
ngam mi warta kuwanoowo Yeesu Almasiihu nder yimɓe naa' Yahuudanko'en. E mi huwa kuugal ardiiɗo diina nder wa'ajinki Habaru Belɗum ɗum Allah, ngam yimɓe naa' Yahuudanko'en ngarta bo cakkiri ndi Allah jaɓi, ndi Ruuhu Allah wartiri ceniindi.
Mi metataa ɗo'o dow goɗɗum, sey dow kuugal Almasiihu ngal o walliyam ngaɗumi. O walliiyam ngam yimɓe naa' Yahuudanko'en tokka ko Allah wi'i barka boliiɗe am e kuuɗe am,
Nden to mi yottinii kuugal nga'al, waato mi hokkiiɓe ballal ngal ɗum hawritaniɓe, mi nangay laawol yaaki leydi Asbaaniya. Dow laawol am yaaki Asbaaniya mi yaalay to mooɗon.