Aw k'a minɛ ka ɲa i n'a fɔ Ala ka mɔgɔw be mɔgɔ minɛ cogo min na, n'a mako be aw ka dɛmɛli la koo minw na, aw k'a dɛmɛ o la. Bari a ye mɔgɔ caaman dɛmɛ kosɔbɛ, hali ne yɛrɛ.
Olu tun y'u yɛrɛ nii di janko ne ka se ka kisi saya ma. Ne dama te barika la u ye dɛ, Krista ka jama bɛɛ min be siya wɛrɛw cɛma, olu fana be barika la u ye.
Aw ka Anduronikusi ani Zuniyasi fo, olu minw ye ne ka mɔgɔw ye, ne ni olu bɛɛ ye kaso kɛ ɲɔgɔn fɛ. Cidenw lo minw lɔnnin lo kosɔbɛ, u kɔnna ka Krista lɔn ne ɲa.
O mɔgɔ nunu te baara kɛra an Matigi Krista ye, nga janko u kɔnɔbara ka fa. Fanga te mɔgɔ minw na, o b'olu kunnacɛn n'u ka kuma diman, ani u ka namarakuma ye.
Aw kɔni, aw sɔnna Ala ta ma cogo min na, mɔgɔ bɛɛ b'o kala ma, o la, ne be nisɔndiya aw kosɔn. Halibi, ne b'a fɛ aw ka hakili sɔrɔ ka se ka koɲuman kɛ, aw kana kojugu kɛ.
Ne ka jatigicɛ Gayusi, Krista ka jama be to ka lajɛn ale min fɛ, b'aw fo. Erasiti, ale min ye dugu bɛɛ ka nafolo kɔlɔsibaga ye, ale fana b'aw fora, n'an balima Karitusi fana. [
An ka Ala fo, ale min be se ka barika don aw la Yezu Krista ka kibaru diman kosɔn, ne be min fɔ ka kɛɲɛ ni tiɲɛ ye an y'o min lɔn, o min tun kɛra gundo ye kabini fɔlɔfɔlɔ.
Nga sisan a yirala kɛnɛ kan, siya wɛrɛw bɛɛ be se k'a lɔn kiraw ka sɛbɛ barika la, ka kɛɲɛ ni waati bɛɛ Ala ka cii ye, janko u ka se ka la Ala la ka mɛnni kɛ a fɛ.